البوست ده اللى كنت وعدت بيه يوم الجمعة اللى فاتت

البوست ده اللى كنت وعدت بيه يوم الجمعة اللى فاتت .. عن شغل upwork .. الجروب ده تم تكوينه من فترة عشان عدة أسباب :

1- الناس اللى بتدرس أو درست معايا .. أو إشتغلت معايا .. أو عندها أى سؤال أو إستفسار لشغل أو معلومة .. و ماباكونش دايماً متواجد أو متاح للرد .. هنا ممكن تلاقى أكتر من حد يقدر يساعدك .

2- ناس كتير من اللى طلبت شغل معايا و للأسف مابعرفش أتابع مع الكل فنفس الوقت .. هنا حتلاقى ناس من الفريق بتاعى (أنا مش المدير فيه إطلاقاً ) .. حيتابعوا معاك بفرص شغل مستمرة إن شاء الله .

3- الإنبوكس عندى مليان بالعدييييييييد من الأسئلة (اللى والله أتمنى يكون عندى الوقت إنى أجاوب عليها كلها ) .. بس معظمها أسئلة إجابتها سهلة جداً لو بس دورت على جوجل بشوية إنجليزى كويسين .. فمرة تانية (زى النقطة رقم واحد ) .. هنا إن شاء الله حتلاقى ناس ممتازة أنا إشتغلت معاهم و درستلهم و يقدروا يردوا أسرع منى .

4- جزء كبير من شغلى الحالى بيتطلب شبكة كبيرة من المصممين فمجالات مختلفة .. حتلاقى فمكان ما هنا بوست بيتكلم عن كيفية الشغل معايا .. أتمنى إنه يكون مفيد .