الحمد لله رب العالمين
- عارف لما تبقى مزنوق جداً ... و على آخرك .. و أقرب مكان فيه مية حواليك على بعد كيلو تقريباً .. الحمامات المتاحة ليك شغالة بالمقلوب .. يعنى بدل ما بتاخد ال #!$! .. لا .. دى بتطلع @#!$! .. عارف ؟
الحمد لله رب العالمين
-
عارف لما تبقى مزنوق جداً … و على آخرك .. و أقرب مكان فيه مية حواليك على بعد كيلو تقريباً .. الحمامات المتاحة ليك شغالة بالمقلوب .. يعنى بدل ما بتاخد ال #!$! .. لا .. دى بتطلع @#!$! .. عارف ؟
-
عارف لما تبقى صاحى من الساعة 7 الصبح .. تمسح و تكنس و تشتغل و تشيل و تحط .. فى الشمس أو فى الضل أو عالأسفلت .. أو … لحد الساعة 3 العصر … و تنام من 3 لحد 5 عشان تصحى تكمل شغل لحد الفطار ؟
-
عارف لما المكان اللى بتنام فيه يكون عبارة عن كبينة فنص الصحرا فيها مروحة شغالة و 4 لا … فعز الحر ده ؟
-
عارف لما تسمع ” كل سنة و إنت طيب ” من أمك و أبوك و مراتك .. من على بعد 500 كيلو .. و الشبكة متجمعش .. ؟
لو الحاجة الوحيدة السعيدة فحياتك النهاردة هى إنك دخلت حمام بمزاجك .. و لقيت مية تتشطف .. مش حتى تاخد دش (مرة كل 5 أيام لو كنت محظوظ ) … يبقى قول الحمد لله من كل قلبك و كل جوارحك
الحمد لله رب العالمين … ده كان أول يوم رمضان السنة اللى فاتت