" لو أصبت بسكتة قلبية .. و قام الدكتور بإخبارك

" لو أصبت بسكتة قلبية .. و قام الدكتور بإخبارك أن قلبك لن يتحمل العمل 8 ساعات يومياً 5 أيام فى الأسبوع بعد ذلك .. و عليك أن تقلل ساعات عملك ل 4 ساعات فى الأسبوع فقط .. ماذا ستفعل ؟ "

AR 5 د

” لو أصبت بسكتة قلبية .. و قام الدكتور بإخبارك أن قلبك لن يتحمل العمل 8 ساعات يومياً 5 أيام فى الأسبوع بعد ذلك .. و عليك أن تقلل ساعات عملك ل 4 ساعات فى الأسبوع فقط .. ماذا ستفعل ؟ ” … #the_four_hours_work_week يعتبر من أفضل 10 كتب قريتها فمجال ريادة الأعمال و التطور الحياتى .. و قد تكون أسبابى فده مختلفة عن أسباب ناس كتير من اللى قروا الكتاب عشان يتخلصوا من روتين الحياة اليومية فحياتهم .. بالنسبالى .. أنا ربنا أنعم عليا بحرمانى من نعمة الروتين دى من زمان .. الكتاب بيبتدى بتعريف الأربع خطوات الأساسيين اللى يحتاجها الإنسان عشان يوصل ل4 ساعات شغل فى الأسبوع بس .. 1- Definition: Replace self-defeating assumptions. 2- Elimination: Forget time management; learn to ignore the unimportant. (provides time) 3- Automation: Learn to put cash flow on autopilot. (provides income) 4- Liberation: Create freedom of location. (provides mobility) أو كأكرونيم : DEAL .. شخصياً .. من بعد الجيش مباشرة .. أخدت على نفسى عهد إنى ماحطش نفسى فأى روتين يجبرنى على إنى أكون مجرد رقم .. أو ترس فمكنة ضخمة .. كنت لما باقدم على شغل بعد الجيش مباشرة .. باقدم على شغل فشركات كلها ستارت أبس .. و لما كان بيجيلى إنترفيوهات فشركات تعتبر كبيرة نسبياً .. أو يبدو إن الشغلانة فيها حابقى مجرد ترس .. كنت باكون صريح جداً فى الإنترفيوهات دى فطبيعة الشغلانة اللى بادور عليها … و طبعاً ماكنوش بيكلمونى تانى :) :) .. … The entrepreneur is someone who prefers to work 80 hours a week to escape working 40 hours a week routine … بالنسبالى العبارة دى بقت حقيقية جداً .. فأول شهر بعد الجيش قررت إنى أبتدى تانى ستارت أب فحياتى .. بس مابطلتش برضو أدور على شغل يدينى إحساس بأمان المرتب بتاع آخر الشهر .. و عند المرحلة دى بدأت أحس بهاجس كنت حسيت بيه لأول مرة أيام الكلية .. .. هندسة قسم إتصالات و إلكترونيات .. بعد سنة تالتة لقيت إنى حتى لو بقى معايا فلوس كافية إنى أفتح مشروع .. مش حاعرف أفتح مشروع إيه ؟! .. و كلمة مشروع هنا بالنسبة لمهندس .. و مهندس إتصالات تحديداً .. ماكنش معناها ستارت أب .. الثقافة دى ماكنتش منتشرة على أيامها أوى .. أو أنا اللى ماكنتش شايف كويس حواليا (2009) . مشروع بالنسبة لمهندس إتصالات دايماً كان معناها شركة ضخمة و موظفين تحت إيدك و حاجة ميزانيتها تتخطى السبع خانات !! .. أجيب ده منين ؟! … لكن أى مبلغ تحت كده .. اللى هو يكفى إنى أجيب محل (بكسر الحاء ) .. أو دكانة .. و أقعد فيها .. حاكتب عاليافطة إيه ؟! .. إسلام الجويلى بتاع إيه ؟!.. إيه الحاجة أو الصنعة اللى أقدر أشتغل بيها مستقل ؟ .. … عند المرحلة دى فكرت كتير فإمكانية إنى أدرس شوية صيدلة و أقعد فصيدلية (شغلانة العيلة ) .. فأحس بالأمان اللى ممكن يحس بيه أى صاحب صيدلية .. إنه بمجرد قعدته جوه الصيدلية .. بيبقى شغال .. مش بيضيع وقت ! … البرمجة طبعاً كانت أول إختيار .. بس ماعتقدش إنى عمرى كنت coder موهوب .. أنا عاشق بكل معنى للرياضة و الألجوريزمات و solution dev .. بس الكودنج مافيش مابينى و ما بينه عمار إطلاقاً ..