هاى جوجل .. جود مورنينج أند بلاى ما نيوز بليز
كبرت شوية و بقيت بافكر .. طب ما أنا لو تتبعت تسلسل أحداث علاقتنا بالناس دول .. حاعرف إنهم جايين أول ما يتم الإتفاق على كده .. مش حاعرف فيومها أو قبلها بساعات لما ماما أو بابا يبلغونا
هاى جوجل .. جود مورنينج أند بلاى ما نيوز بليز .
زمان و أنا صغير .. لما كان حد بيبقى جاي يزورنا .. و فى ميعاد قال إنه حييجى فيه .. كنت باحب أوى إنى أقف فى البلكونة .. و أقعد مستنى أشوف هما حيدخلوا الشارع بتاعنا إمتى و كده … و كنت بابقى كأنى باعرف إنهم جم قبل أى حد تانى فى الشقة .
كبرت شوية و بقيت بافكر .. طب ما أنا لو كنت واقف على أول الشارع .. حاشوفهم لما ييجوا أول ما يدخلوا الشارع الكبير علطول .
كبرت شوية و بقيت بافكر .. طب ما أنا لو تتبعت تسلسل أحداث علاقتنا بالناس دول .. حاعرف إنهم جايين أول ما يتم الإتفاق على كده .. مش حاعرف فيومها أو قبلها بساعات لما ماما أو بابا يبلغونا
لما بدأت أفكر فكده .. بدأت أشوف إزاى الأحداث اليومية اللى بتحصل جوة الأوضة بتاعتنا .. بتتأثر بشدة بقرارات ماما و بابا دى ..
الجملة اللى فى العنوان دى , هى اللى بابتدى بيها أصبح على الموبايل بتاعى أول ما بافتح عينى الصبح . لو مش فاهم إزاى .. خلينى أقولك إن فى حاجة إسمها : google assistant . دى بتنزل أوتوماتيك مع الموبايلات الحديثة أو فتحديثات الأندرويد الجديدة . زيها زى siri بتاعت apple , أو alexa بتاعت أمازون . و بمجرد ما باصبح عليها .. بترد عليا بالتالى :
- صباحك عسل يا قشطة ” أو جود مورنينج إسلام ” . و بعدين الطقس فى المدن اللى حددتلها إنها تقوللى حالة الطقس فيها .. و بعدين جدولى النهاردة فيه مواعيد إيه .. ( ممكن أشرح إزاى تظبط ده بعدين ) . و بعدين … تشغلى الرداوى بتاعتى ( جمع راديو يعنى ) .
أيون : أنا باسمع الراديو .. بس مش الشرق الأوسط و نجوم إف إم و ما شابه و العياذ بالله . لا … أنا مظبطها بحيث إنها تشغل كام محطة متابعهم من 2009 .. و خلينى أدردش معاك فشوية أخبار من العالم ده شوية .
الأول طبعاً npr : hello , this is shay stevens , and you are listening to npr news. (إن بى آر) دى يا حاج تبقى أشهر شبكة راديو فأمريكا , و من أشهر شبكات الراديو فى العالم . لو إنت سمعتهم اليومين اللى فاتوا حتسمع عن : 1- بوتين فاز بإنتخابات الرياسة فروسيا للمرة الرابعة .. و حيقعد رئيس لمدة ست سنين كمان .. هه ؟ .. واخد بالك ؟ .. منافسينه فى منهم اللى إتقتل , و اللى إتفضح , و اللى إتنفى , و اللى خاف و طلع يجرى .. واحد من منافسينه كان جارى كاسباروف بتاع الشطرنج .. تسمع عنه ؟! خدت بالك من حاجة ؟ .. ما علينا . … 2- روسيا برضو هى هى في مشكلة بينها و بين بريطانيا عشان جاسوس روسى متقاعد كان عايش فبريطانيا إتقتل بغاز سام هو و بنته من أسبوع . فبريطانيا زعلت و قالت إزاى يبقى متحامى فيا و يتقتل ؟! فقررت إنها تمشى سفيرها من روسيا و تطلب من روسيا إنها تعتذر و تقول آسفة .. بوتين راح ممشى الدبلوماسيين البريطانيين من روسيا .. و قال يا تجيبوا دليل إننا اللى قتلناه يا ملكوش عندى حاجة . … 3- فى كوبرى كبير وقع فميامى فأمريكا و قتل تحته ست أشخاص .. و الموضوع كبير و الناس لسة بيحققوا … خصوصاً إنه كان متبلغ إنه فيه شرخ قبلها بيوم . … 4- إنفجار رابع حصل فبوسطن .. ضمن سلسلة إنفجارات بتحصل بقالها شهر .. و الموضوع شكله فيه تفاصيل زيادة .. … 5- ترامب ما زال بيتخانق مع المباحث الفيدرالية الأمريكية لأنهم بيحققوا فموضوع إنه فاز بمساعدة روسيا .. و هو مش ناقص فضايح و فاضل له تكه و يتعمله “إمبيتشمنت ”.. يعنى يتشال من الرياسة بفضيحة . … 6- مارك زوكربيرج .. إحتمال يستدعوه يشهد فى المحاكم عن إستخدام الفيسبوك فى الإنتخابات الأمريكية اللى فاتت .. خصوصاً إن شركة إسمها ” كامبريدج إناليتيكا” كان اللى ماسكها ستيف بانون .. تم إثبات إنها إستخدمت بيانات 50 مليون مستخدم فى التأثير على قراراتهم قبيل الإنتخابات . خدت بالك ؟! … 7- محمد بن سلمان ( ملك السعودية ) .. طالع على إمريكا ياخد لفة على الناس بتوع سيليكون فالى و رجال الأعمال و كده .
بعد كده حتدخل على : wired و بعدين باقى الرداوى بالتسلسل اللى إنت شايفه فى الصورة ده ..
لسبب ما .. كل ما حد يسألنى عن الأهلى و الزمالك و محمد صلاح و كاس العالم و السياسة المصرية أو الإقليمية و المحليات و … البوست ده ييجى فدماغى .. … و الله أعلم .