إعزمنى على شاي أخضر من غير سكر

إعزمنى على شاي أخضر من غير سكر .

بما إن طلب ( الداتا اللى عندى , و الكورسات بتاعتى , و كورسات أخري , و كتب أوديو ) إتكرر كتير .. فقررت عمل التالى إن شاء الله . … أحد فلاشاتى ال64 جيجا لن تفارق جيبي إن شاء الله .. و محتواها أصبح : 1- كورساتى التلاتة بتوع يوديمى . 2- 22 جيجا كتب أوديو ( شوية مختارة من اللى قريتهم ) .. اللى لسة ماقريتهمش مش حاقدر أفيدك فيهم . 3- باقى المساحة كورسات مختلفة فى ( أدوبي , جوجل أدسنس , سيو , … ) تقدر تقول ال ( strater pack ) للشغل الأونلاين فى المعتاد . … حاتشرف جداً بمقابلة أى حد يحب يقابلنى يعزمنى على ( شاي أخضر بدون سكر ) .. و يكون معاه اللاب بتاعه .. ياخد الداتا بالكامل .. و ندردش فأى شىء يحتاج يدردش معايا فيه … من يومين أحد الأصدقاء على الفيس طلب يتكلم معايا فشغله شوية .. فبعت له رقم موبايلى ( 01093133492) .. و إتفاجئ إنى بابعت رقم موبايلى لأى حد يطلب يتكلم معايا .. المفاجأة هى إن رقم موبايلى بابليك على البروفايل من ساعة ما عملت بروفايل فيس أساساً . و صدقاً انا مابتكسفش .. لو مشغول أو معنديش وقت أرد .. باقول بدون إحراج تماماً .. أو مابردش لو ما أمكنيش الرد :) … بالنسبة لإمتى و فين ؟ دي بقي على حسب .. أسهل شىء لو إنت فدمنهور .. حتلاقينى كتير .. لو فإسكندرية .. حتلاقينى مرة أو مرتين فى الأسبوع ممكن .. لو القاهرة .. ممكن مرة كل أسبوعين تقريباً . رتب معايا .. و يا حبذا لو أكتر من حد من نفس المكان .. رتبوا كلكم و قسموا تمن كباية الشاى الأخضر اللى من غير سكر عليكم .. أنا موافق .