#شغل_أفترإيفكت ( فلوسها مش وحشة و ماعنديش وقت أنفذها بالكامل

#شغل_أفترإيفكت ( فلوسها مش وحشة و ماعنديش وقت أنفذها بالكامل )

فى معايا كونتراكت سلسلة فيديوهات سريعة تتعمل كلها أفتر إيفكت .. حاجات بسيطة جداً جداً ممكن تخلص أسهل بريميير .. بس العميل عايزها أفتر .. البوست ده موجه لأى حد درستله و شغال أفتر .. أو إشتغلت معاه .. أو ليه مزاج يشتغل معايا . الفيديو الواحد بيتراوح من دقيقة و نصف ل 4 دقايق ..

** تفاصيل الشغلانة ببساطة :

1- حتاخد تكست من سكريبت جاهز كوبى بيست فى لاير التكست . 2- حتدور على فيديو مناسب من اليوتيوب و تعمله داونلود و تضيف الحتة اللى تنفع تمشى مع التكست . 3- الأنيميشن بتاع التكست إن و أوت ستاندارد و جاهز و مافيهوش لعب . 4- مش حتعمل أيها سبيشال إيفكتس على أى فيديو. 5- حتظبط شوية الكومبزيشينات و الترانزشينات ما بينهم 6- حتحط ملف أوديو ( ميوزك ) جاهز و متحضرلك . 7- حترندر و تسلمنى و كل سنة و إنت طيب .

** المتطلبات :

1- تكون بتفهم إنجليزى 90% عالأقل .. الليلة كلها إنجليزى و لازم تكون فاهم إنت شغال فإيه . 2- منظم .. منظم .. منظم .. و يا ريت لو عندك ocd و بتتنرفز لو لقيت ملف مش متسمى بحروفه الكابيتال و السمول صح و مترقم . 3- طبعاً تكون فهمت كل اللى مكتوب لحد دلوقتى .. مش لازم تكون بروفشنال أفتر .. بس عايزك تكون فاهم كل اللى مكتوب فوق و تقدر تعمله . 4- سريع .. و تيليفونك مابيتقفلش .. و لما تدينى معاد توفى بيه .. ( مواعيدى فى الشغل ميرى ) . 5- بتسأل كتير و مابتتكسفش تسأل .. و بتدور كويس على جوجل . 6- عندك نت كويس ( أكيد يعنى ) . 7- ولد أو بنت ( كل اللى يجيبه ربنا كويس)

** المزايا و العيوب :

1- حتجرب الشغل معايا ( و تقدر تعتبر ده عيب برضو .. على حسب طبيعتك فى الشغل ) 2- حتابعك فكل خطوة و أساعدك فتنفيذ أى حاجة مش عارفها لو إحتجتنى . 3- لو قدرت أعتمد عليك .. و عايز شغل .. حباصيلك من ده كتير .

** الفلوس :

20 دولار فى الفيديو ( بناءاً على تقديرى .. شغل الفيديو الواحد مايعديش يوم شغل لو إنت منظم و سريع.. على إيدي أنا الفيديو بياخد 4 ساعات شغل ماكسيمام ) .

ملاحظات أخيرة :

• الموضوع من البيت .. كل حاجة أونلاين ( إلا لو إنت دمنهور أو أسكندرية ممكن نتقابل لو إحتجنا ) .
• أنا كده كده شغال فى البروجكت ده بإيدي .. فصلاحية هذا البوست تنتهى بإنتهائى من سلسلة الفيديوهات دى ..
• حامسح البوست ده بمجرد ما حد يستلم إن شاء الله .
• لو إفتكرت حاجة زيادة حاكتبها و ربنا يسهل .

#شير_فى_الخير