the merry go 💪💪🤩🤩🤩

the merry go 💪💪🤩🤩🤩 عدد نادر جداً من البشر اللي جابلي هدايا فرحت بيها بالشكل ده .. Ana Menmen واحدة من الناس اللى فعلاً إتشرفت إني درست لهم في يوم من الأيام .. و اللى ما شاء الله بافرح فرحة صادقة كل ما أشوفها بتتقدم خطوات و خطوات في مجالها . النهاردة جات تبارك لي علي إفتتاح المكتب فدمنهور .. و معاها هديتين .. الإتنين بالنسبة ليا أعظم من بعض . الأولي هو التابلوه اللى علقته فوق مكتبي مباشرة .. لسفينة بين الموج .. و حاستأذنها إني أسميه ( merry go ) .. إسم اللى حيفهمه .. فهو أخويا حتي لو ماعرفوش :) :) .. .. التانية هي رواية #كريسماس_في_مكة .. لأستاذي أحمد خيري العمري .. الرواية اللى سألت عليها مرتين أول ما نزلت .. و كنت لسة مالقيتهاش .. و باكون سعيد لمجرد إني أفكر إني حاستمتع بقرايتها .. سبحان الله لقيتها جايالي هدية . .. فعلاً شكراً جزيلاً يا مني .. و بإذن الله حاكون منتظر إفتتاح مكتبك ( خطوة عارف و متأكد إنها قادمة لا محالة) .. عشان أفكر إزاي ممكن أهديكي شيء بعظمة ما أهديتيني … … … ملاحظة : أول حاجة فكرت فيها لما شفت الهديتين دول .. هي قصة ” قسم ” .. ( السلطانية .. و تاج الجزيرة .. و مرزوق ) .. أحد أكتر القصص تأثيراً فطفولتي و أفكاري .. عن مفهوم كنت إتكلمت عنه مؤخراً .. مفهوم القيمة .. … لكل اللى مايعرفش القصة دي .. فعلاً انصحك تسمعها فأول كومنت .. أنا أبويا و أمي ربنا يبارك لهم .. ربوني أنا و إخواتي علي القصة دي .. و حفظناها عن ظهر قلب .. … ملاحظة إتنين : التابلوه ده هاند ميد .. يعني صناعة يدوي .. و شغل مني :)