الحدث بسكون الدال ... احد الطرق التي يتمكن بها الانسان

الحدث بسكون الدال … احد الطرق التي يتمكن بها الانسان من فهم نظرية تأثير الفراشة “لما فراشة ترفرف بجناحتها في الصين … الهوا الناتج ده ممكن يسبب اعصار في البرازيل ” و بعض الناس اللي عندهم الاحساس ده عالي بيتقال عليهم عندهم حاسة سادسة و ناس تانيين اذكيا لدرجة القدرة علي تتبع الاحداث حتمشي ازاي يعني انا دلوقتي مسكت لوح ازاز و رميته عالارض … انا متوقع النتيجة انه يتدغدغ و ينزل ميت حتة و بالتالي اي حد حيمشي عالارض حيتعور

عشان اقدر اطلع بالحكم ده .. كان لازم يبقي عندي الخبرة المسبقة بأن الازاز بيتكسر مع الارتطام بشيء صلب … و ان الازاز المتكسر بيعور

و بناء عليه

افلام كمال الشناوي و الخمرا و البار و الكباريه و البوس .. نتيجتها فكرة ان المجتمع الراقي الغني المأنتخ بيشرب خمرا و بيبوس و بيروح كباريهات … فالفقير الكحيان لما ربنا اخيرا بيفتحها عليه .. اول حاجة بيعملها انه (يقلد) اللي هو شافه في الافلام دي … بالنسبة له الغنا و الفلوس معناهم خمرا و بوس و كباريهات

و النتيجة … مسخرة أس مسخرة يعني مسخرة * مسخرة * مسخرة عدد مسخرة من المرات

المهم قيس علي ده حاجات كتير … و تلاقي اننا حاليا بنعاني من “مش رفرفة جناح فراشة بقي ” بس فسا اجيال قديمة فاتت … و علي ما الريحة وصلتلنا .. تحولت لغازات سامة … سينما دلوقتي بتعبيها فأزايز مركزة علي انها برفانات اخر موديل

المشكلة مش فكدة المشكلة ان في ناس اذكيا موجودين بس اعمي البصر و البصيرة

قاعدين فأوضة مقفولة مافيهاش ولا منفذ اسمها مصر و قاعدين “يفسوا” و يرشوا برفان فسا مركز “اقصد اعلام السنتين اللي فاتوا ” و كل ما حد يكلمهم يردوا يقولوا “حرية اعلام ..توعية شعب .. سخرية مثقفة … معارضة ساخرة ..” و ده طبعا بالظبط كأني باصنف انواع الفسا بمسميات مزيفة زي “فل , ياسمين , …” فرق كبير اوي بس عشان الاوضة مقفولة و عشان الشعب اساسا متربي علي الفسا من ايام زمان و عمره ما شاف لا فل ولا ياسمين فالناس اتخدعت

و حاليا احنا عايشين ازهي عصور الاختناق الاوضة مقفولة و ماحدش عاد طايق حد و الشبابيك قافلها ناس مش عايزة ريحة فسانا توصلها “الجران يعني ” و كل ما حد يحاول يفتح شباك .. الناس تضربه و تقول عليه عميل للجيران و عايز يطلع ريحة الفل و الياسمين بتاعتنا برا

اعمل حاجة من اتنين عشان تعرف تعيش جوا الاوضة يا أما تبقي قادر انك تنقي جو الاوضة بشدة نفس واحدة منك … اكيد ممكن تموت فيها .. بس لازم نضحي

او

اذا كان لابد من الموت مخنوقا … فلتموت بريحة فساك انت … “و ده حل اختارته ناس كتييير اوي دلوقتي ” و …