أحياناً كده الواحد بينفعل بالواقع المحيط بيه و بيبقى عايز

أحياناً كده الواحد بينفعل بالواقع المحيط بيه و بيبقى عايز يكتب بوست (كنوع من أنواع التعبير أو رد الفعل ) من جوة الكونتكست ده (سياسة , إقتصاد , نوبل , ترامب و هيلارى , غباء بشرى معتاد على جلوبال سكيل “ليتيرالى مش ميتافوريكالى ” .. ) .. خدت وقت طويل لحد ما إتعلمت إنى أتجاهل الكونتكست و أطلع براه .. و أعرّض نفسى لمتغيرات جديدة ترجعنى لإحساس المتعلم و تبعدنى عن إحساس العالم العميق اللى عايز “يطرطش - أعتذر على فداحة الكلمة ” علمه و حكمته على الناس … كنت بحاول خلال الأسبوعين اللى فاتوا إنى أتعامل مع حالة شبيهة .. و بعدين شفت المسلسل الرائع ده النهاردة .. بالرغم من تكرار التيمة إلا إنها مقدمة بشكل مكثف فى 12 حلقة بس .. و آخر حلقة كانت إبداع فلسفى فعلاً … كالعادة بيذكرنى بجينتاما .. و ده شىء رائع