باكره جداً لما أنفعل بالواقع أكتب بوست عليه كنوع من

باكره جداً لما أنفعل بالواقع أكتب بوست عليه كنوع من أنواع تفريغ المشاعر و الأفكار و بعدين أحس إنى كده عملت شىء ذو قيمة .. و لكن احياناً بيكون ده مطلوب لأكتر من سبب .. بس ما علينا : كان زمان لما حد يحب يطلب علم .. يروح إما لعالم و يجلس فحلقته إن إمكنه ده .. أو يحاول يقتنى كتاب فزمن كان من الصعب التدوين فيه أساساً .. فما بالك بالنسخ .. … تطورت الصور دى لطلب العلم .. لحد ما أصبح لكل علم مدرسة .. و تزايد الطلب على مدارس بعينها .. نتيجة إما لرفعة شأن المدرسة .. أو المدرس .. أو الطلبة .. فأصبح هناك إمتحانات تحدد من هو أهل لدخول المدرسة .. … و لكن كان المعيار الأول و الأخير دائماً .. هو … ((( طلب العلم ))) . … لحد زمننا الحالى .. بأى عقلية .. و بأى قلب .. يقرر أب أو أم .. إنهم يضحوا بإبنهم أو بنتهم .. لمؤسسة .. حتقتل إبداعهم حتقتل تميزهم حتشوه تفكيرهم حتاكل 95% من وقتهم و شبابهم و صحتهم حتستعبدهم حتستعبد أفكارهم و حتطلع منهم مسوخ … فاقدى أى شىء بيميز آدميتهم .. … فزمن .. أصبح حصولك على معلومة فيه .. أسهل من دخولك الحمام .. حرفياً .. … إذن .. يصبح هدف الإلتحاق بنظام تعليمى أساساً فاشل … ملغى .. .. يبقى ليه ؟!!!!!! .. لأن الطفل أو الطالب حيكون غير قادر على تكوين منهج بنفسه ؟!! لأن الطفل عايز يحصل على شهادة .. بنسبة 90% مش حيستفيد بيها بشىء ؟؟؟ لأن الطفل مش عايز يحس إنه أقل من الضحايا التانيين إصحابه ؟؟ لأن الطفل مش لاقى حد يفهمه إن مصلحته مش فى المؤسسة العجيبة دى ؟!!! … من أعتى الجرايم اللى ممكن ترتكبها فحق بنى آدم … إنك تحبسه جوة أفكار إنت زرعتها جواه .. لحد ما صدق إنها أفكاره هو .. .. إنك تقنع طفل إنه غبى .. إنك تقنع طفل إنه فاشل … إنك تكره طفل فنفسه … إنك تكره طفل فعلم .. فمجال .. فحياة .. إنك تجعل من عقل الطفل نفسه .. أكبر أعدائه .. … … … أحد ( و ليس كل ) الأسباب اللى خلتنى أكتب البوست ده .. عقليتين من أكثر العقليات المتميزة اللى بادرسلهم برمجة … خريجين كلية من كليات القمة ذات الأسامى الرنانة .. من تخصص من أفضل التخصصات .. يمتهنوا مهنة من أرقى المهن .. لأول مرة .. يدركوا معنى القسمة (اللى هو 5 /3 بتساوى كام و معناها إيه ) … كان منذ أسبوعين فقط … أنا فعلاً آسف ليهم لو كان فى الكلام ده نشر لخصوصياتهم … و لكن لعل ده ينبه على الأقل ولو شخص آخر .. … و آسف ليهم أكتر على كل معلم أو مدرسة عدوا عليها .. و خوفهم يسألوا .. خوفهم يفكروا … حاول يقتل جواهم آدميتهم … عقلهم … … فما بالك باللى ما زال فسن الطفولة … و عايش ويكأن حياته إنتهت .. لأن المؤسسة الفاشلة أوهمته بكده ؟!!!! … بالله عليكم .. فوقوا .. … إيلون ماسك ( دوروا على الإسم ) … كان بيتكلم إنه حيعلم عياله بنفسه أو حيبنى لهم نظام تعليمى بنفسه .. لأنه شايف إن الأنظمة التعليمية اللى عندهم هنااااااااااااااك … مش نافعة و مش فعالة … … و الله أعلم