من بتاع أكتر من 12 سنة

من بتاع أكتر من 12 سنة .. كنت بفك الهارد ال80 جيجا بتاع جهازى بكل حذر .. و بعد ما أحطه فشنطته .. ألفه جوه فوطة .. و بعدين أحطه فشنطة أكبر .. و أروح لحد الراجل الطيب ده فبيته .. و أتذل أحياناً لحد ما أطلعله .. و يا أدخل الشقة يا أستنى برة على حسب مزاج سيادته .. عشان آخد من عنده الجديد من كل ما لذ و طاب من الألعاب و البرامج و الأفلام و المسلسلات … و بالطبع الأنيمى . و كان بيذلنى عشان يعلمنى إزاى أسطب لعبة أو برنامج :D . .. و حالياً .. و بعد ما السيستم الأساسى (مش الباك أب) عندى تقريباً يعدى ال6 تيرا .. و شبكتين نت أنليميتد .. و موارد غير محدودة .. و شهادات أكاديمية و غير أكاديمية لعشرات المجالات فى الكمبيوتر .. و دراسة و تدريس ليهم .. حاسس إنى لسة ما أشبعتش النقص ده .. و حاسس إنى لو دخلت نفس الأوضة برضو حالاقى داتا مش عندى و عايزها … و حيذلنى عشان أتعلم أتعامل معاها .. الراجل الطيب اللى كان أول من إتعلمت منه ( أنيمى , جيمز , لينكس , ويب ديفيلوبمنت , و مبادئ الcomputer science بشكل عام) … عمل كورس و نزله عاليوتيوب :) :) . .. بالمناسبة أنا حالياً وصلت إنى بقيت باذله فى مجالات معينة كتير :D … بس لسة مش فى الويب ديفيلوبمنت … أفضى شهرين بس و أحاول أنافسه فيه إن شاء الله :D :D