الصراحة سؤال جه فوقته الطبيعي جداً ... لأن أغلبية السناجل
2- الإرتباط (الصح ) بيعالج الوحدة فعلاً .. و لكن في مسكنات كتير ممكن تعيش/ي بيها .. لحد ما يتم الإرتباط (الصح) .. لأن الإرتباط (الغلط) .. أو الإرتباط بالشخص الغلط الإتنين بيزودوا الشعور بالوحدة .. حتي لو سكنوه شوية في الأول .
الصراحة سؤال جه فوقته الطبيعي جداً … لأن أغلبية السناجل بيعانوا من الوحدة أشد المعاناة فأيام الأعياد و الأجازات .
1- الوحدة مابتقتلش .. الإكتئاب الناتج عن عدم التعامل مع الوحدة .. ممكن يقتل … في فرق . 2- الإرتباط (الصح ) بيعالج الوحدة فعلاً .. و لكن في مسكنات كتير ممكن تعيش/ي بيها .. لحد ما يتم الإرتباط (الصح) .. لأن الإرتباط (الغلط) .. أو الإرتباط بالشخص الغلط الإتنين بيزودوا الشعور بالوحدة .. حتي لو سكنوه شوية في الأول . 3- الوحدة أنواع .. مش نوع واحد … يستحسن جداً تحدد النوع اللي بتعاني منه . 4- أنواع الوحدة ( وحدة عقلية , وحدة عاطفية , وحدة جسدية ) . 5- مش محتاج تكون وحيد/ة في التلاتة عشان تعاني من الوحدة .. أى وحدة في التلاتة كافية بإنها تخليك/ي تعاني . 6- تقدر تهدي آلام الوحدة العقلية نسبياً بإنك تشارك أفكارك مع ناس حواليك .. أو تشارك ناس جديدة أفكارهم .. فلو مش لاقي حد حواليك حالياً يشاركك أفكارك .. دور علي مجموعات نشيطة فأفكار معينة محببة ليك .. و إنضم ليهم . حالياً ده أسهل بكتير أونلاين .. = تقدر تدرس مجال جديد .. أو تشارك مجموعة أونلاين فدراسة مجالك الحالي . = فيديو جيمز و ألعاب أونلاين كتير .. ” ده أحد أسباب إني كنت مدمن ليج أوف ليجيندز ” = تشتغل بشكل تطوعي فأى عمل مدني يستهلك أفكارك ضمن مجموعة . . و لكن كون واعي إنك بتستهدف إنك تسكن آلام وحدتك العقلية بس .. و إن مش معني إنك لقيت حد يشاركك أفكارك العقلية حالياً .. إنه يبقي أهل إنه يشاركك عواطفك أو جسمك .. .. 7- نفس النقطة رقم 6 .. تقدر تطبقها بالنسبة للوحدة العاطفية .. عواطفنا كتير .. ( و عاطفة الحب بين الرجل و الأنثي ) واحدة بس من أنواع عواطف كتير جوانا .. لو مش متاح حواليك إنك تشارك عاطفة ( الرجل و الأنثي ) حالياً .. تقدر تعيش عواطف تانية كتييييير .. حتديك شعور مؤقت بالراحة النفسية … علي سبيل المثال : = تربية حيوانات أليفة قطط أو كلاب = عبادات بمختلف أنواعها ” و العبادات لو طبقتها بشكل صح برضو حتقدر تهدي بيها وحدتك العقلية ” = تطوع فمؤسسات خيرية و دور أيتام = الكتابة و النشر بشكل مستمر و مشاركتك أفكارك و عواطفك مع جمهور يقرا لك . = اليوجا ” من أكثر الوسائل فاعلية فوجهة نظري .. و بناءاً علي تجربتي ليها ” . .. 8- الوحدة الجسدية هي أصعب أنواع الوحدة فتسكينها فوجهة نظري … لأنها معتمدة علي كيان مادي فيزيائي “جسمك” .. و حريته في الحركة محدودة جداً مقارنة بمشاعرك أو أفكارك . و لكن أبسط وسائل التعامل معاها .. هي إنك ماتسيبش لجسمك طاقة كافية إنه يشعر بيها أساساً .. عن طريق إنك تتحكم فحاجتين أساسيين . = الأكل . = الحرق . يعني .. أيام الجيش .. كنت باتعمد ماكلش غير في “الميس = مطعم الجيش” … و أحدد أكلتي .. عشان أفضل جعان .. و أشتاق للوجبة اللى بعدها .. فأفرح بيها فرحة لما تيجي .. تسكن عذاب الجيش نسبياً . و نفس الموضوع بالنسبة لل”حرق= التمرين” .. إفحت جسمك في التمرين بالشكل الكافي إنه مايلاقيش طاقة يحاول يصرفها فأى شئ تاني . . لما بتتحكم في الأكل .. و في التمرين .. بتتقدر تتحكم بشكل كبير في الهورمونات المسببة للسعادة فعقلك .. في حاجة إسمها ( runners high ) .. أو النشوة اللى بتيجي للناس اللى بيجروا كتير .. بعد جري لمدة طويلة .. لأن جسمك بيحاول يعالج كل الفحت اللى إنت فحته ليه أثناء الجري .. فبيفرز هورمونات مسكنة زي المخدرات بالظبط .. بتخليك تحس إنك عامل دماغ محترم .. و سعييييييد .. … … 9- النقط اللى فاتت كلها غير إنها بتسكن الوحدة بتلات أنواعها .. إلا إنها كمان بتصنع منك شخص أكثر جاذبية للجنس الآخر .. و بالتالى بتسرع من إحتماليات إرتباطك . .. لأن .. و ببساطة إستقلاليتك (فأفكارك , و مشاعرك , و جسمك ) و عدم إحتياجك للإعتماد علي شخص معاك عشان تحس بالسعادة … بيخليك أكثر قدرة علي العطاء في أى علاقة .. أكثر من رغبتك و إحتياجك للأخذ . .. لأنك لو إتعلمت تتعامل مع وحدتك ( بأشكالها التلاتة ) بشكل صح .. حتقدر تستوعب وحدة الشخص اللى تحب ترتبط بيه ( بأشكالها التلاتة ) كمان .. و تقدر تقدم له الدعم المناسب قبل ما تفكر فنفسك .. لأنك عارف إنك تقدر تساعد نفسك فأي وقت .. لكن هو/هي ممكن يكون غير قادر علي ده . .. القدرة علي العطاء ( مش العطاء .. في فرق ضخم) هي اللى بتشكل جزء كبير من جاذبية الإنسان … الخلاصة .. الخطوات ال 9 اللي فاتوا .. أنصح بيهم أى شخص .. سنجل أو مرتبط .. لأن حتي المرتبطين أحياناً بيشعروا بوحدة قاتلة .. و بتبقي ساعتها أكثر إيلاماً .. لأنه/لأنها كان دايماً بيظن إن بمجرد إرتباطه حينتهي شعوره بالوحدة .. و لكن اللحظة اللى بيحس فيها بأى نوع وحدة حتي بعد الإرتباط .. بيبدأ يشك إن شريكه مش هو الشريك الصح بالنسبة له .. و بيبدأ يسعي بشكل غير واعي .. و أحياناً واعي فإنه ينهي العلاقة .. و ده مش صح إطلاااااااقاً … . وحدتنا بتنبع من جوانا … و لو ماتعلمناش نتعامل معاها بنفسنا في الأوقات اللى بيكون فيها شريك حياتنا غير كافي .. حنفضل طول عمرنا بندور علي الكمال فدنيا أساسها و محركها الأساسي هو .. النقصان . .. و الله أعلم :) .
و كل سنة و إنتوا طيبين .