في طرق كتييييييير جداً .. شخصياً باستخدم التالي
" إزاي أقدر أعلم نفسي أو أولادي الكيمياء و نوع المعمل اللى ححتاج أبنيه في البيت عشان كده ؟ , إزاي أقدر أشغل أونلاين و أجيب دخل ثابت ل10 أفراد جداد مايمتلكوش غير موبايل بس , و ماعندهمش أى مهارات ؟ , الحلقات اللى فايتاني من مسلسلات كتير .. ه…
في طرق كتييييييير جداً .. شخصياً باستخدم التالي : … 1- learn to distance yourself. يعني اللحظة اللى تحصل فيها مشكلة تلاقي فتيلك بدأ يشتعل و إنك علي وشك الإنفجار .. وجه كل طاقتك و تفكيرك فحاجة تانية بسرعة تستخدم كل طاقة عقلك عشان تحلها .. و خلي دايماً عندك حاجات محوشها تقدر تستخدمها في الحالات دي .. أنا باستخدم التالي : ” إزاي أقدر أعلم نفسي أو أولادي الكيمياء و نوع المعمل اللى ححتاج أبنيه في البيت عشان كده ؟ , إزاي أقدر أشغل أونلاين و أجيب دخل ثابت ل10 أفراد جداد مايمتلكوش غير موبايل بس , و ماعندهمش أى مهارات ؟ , الحلقات اللى فايتاني من مسلسلات كتير .. هي إيه و جدول فرجتي عليها ؟ , …” ببساطة .. اى حاجة من دول .. و كتير تانيين .. بيستولوا علي تفكيري بالكامل .. و يجبروني اتجاهل المشكلة اللى قدامي مؤقتاً فأشوفها بتفاصيل أوضح . … 2- موسيقي توم و جيري . دي خدعة مشهورة .. و باستخدمها كتيييير فأى موقف أحس فيه إني ( غضبان , زعلان , محرج , تعبان , …) أو أى حاجة تانية سلبية .. أخلي عقلي علطول يشغل موسيقي توم و جيري .. و أشوف الموقف كأنه جزء من فيلم كوميدي .. إتخيل أى موقف من أى فيلم كوميدي إنت بتشوفه .. و بدل الممثلين .. بدل أحمد حلمي مثلاً .. خليه (إختار أى ممثل مش كوميدي ) .. و بدل عبلة كامل مثلاً .. خليها ( أمينة رزق ) .. و بدل الموسيقي الكوميدي .. خليها ( حزايني ) .. حتلاقي إن الموقف ثابت ماتغيرش .. بس رؤيتك ليه هي اللى إتغيرت .. .. نفس الشىء فى المواقف اللى بتقابلنا .. أى موقف بتتعرض له و تحس إنه صعب … شوفه جوه فيلم كوميدي .. بتراك موسيقي كوميدي … رؤيتك ليه حتتغير بالكامل .. و حتقدر تتعامل معاه بشكل أهدي بكتيييييير . … 3- إحكي الموقف . يعني أثناء ما الموقف شغال .. و إنت حاسس إنك حتولع و تولع الدنيا حواليك .. إبدأ إحكي الموقف لحد تاني جوة عقلك .. بكل تفاصيله … بالكااااااامل .. يعني : ” لو خناقة بينك و بين جارك مثلاً ” .. يبقي جوة عقلك حتلاقي نفسك بتحكي : ” و هو كان لابس بنطلون لونه بني .. و شبشب حمام لونه أحمر .. مش بصباع .. و بيجامة لونها أسود .. ممكن يكون ليها بنطلون مختلف .. و عليها رسمة .. تفاصيلها كذا و كذا .. و كنا واقفين عالسلم .. اللى هو 10 سلمات طالعين .. بس 9 نازلين .. و لون رخام السلم كذا .. و … ” حتلاقي عقلك أهدي بكتييييييييييييييييييييييير .. و تقدر تشوف الموقف بطرق مختلفة جداً . … في كتير كمان .. بس التلاتة دول باحبهم فعلاً .. و الله أعلم .