1- ممكن جداً شخص يكون فيه من العبر و المساوئ

1- ممكن جداً شخص يكون فيه من العبر و المساوئ ما يجعلك تفتكره إنه إبن ( ستين فسبعين ) .. و فنفس ذات الوقت يكون ربنا أنعم عليه بمهارة دنيوية .. أو علم دنيوي .. أو حتي علم ديني .. فممكن جداً تاخد منه العلم و المهارة الصح .. و ماتاخدش منه السيء .. و تتعلم إنك تقدر تميز بين الصح و السيء .. دي وظيفة عقلك والله العظيم . … 2- تعاملك مع الشخص ال ( إبن ستين فسبعين ) ده .. مش لازم يكون عبارة عن شتيمة .. أنا شخصياً حابطل أقول عليه باقي البوست إنه ( إبن ستين فسبعين ) .. لأنك لما بتشتمه .. مش بيبدأ يفكر فنفسه و يشوف يا تري أنا باتشتم ليه ! .. لما بتشتمه .. أغلب الوقت بيعند .. و يكابر .. و حتي لو إقتنع بوجهة نظرك إنه علي خطأ .. بيبدأ يعند و يكابر و يرد عليك الشتيمة عشان يدافع عن نفسه .. و ممكن جداً يستمر علي الخطأ فقد لمجرد إنه يعند فيك .. لأنك بتشتمه . … 3- مش معني إنه ( فيه و ليه أخطاء ) .. إن كل ما أنتجه أو بينتجه من حاجات كويسة و مفيدة يبقي مصيره الزبالة .. ممكن جداً نناقش إنتاجه ال ( عقلي و المادي و الدنيوي … و العلمي ) .. و نشوف يا تري ممكن نناقشه إزاي فوجهة النظر اللي إحنا مختلفين معاه فيها . … 4- قسماً بالله العظيم .. و قسماً بالله كمان مرة .. لما بتكتب كومنت عبارة عن شتيمة لشخص ما .. أياً كان هو مين .. ممثل أو مغني أو أياً كان .. إنت اللي بتتإذي مش هو .. إنت اللي بتبقي عملت حاجة غلط .. و مأذتهوش بأى شيء .. و غالباً حد عقله أو إيمانه أو علمه قليل .. و كاره حياته و بيتخانق مع دبان وشه .. حيشوف شتيمتك اللي في الكومنت دي .. و يدخل يساند الشخص اللي إنت بتشتمه .. فقط لأنه عايز يتخانق مع أى حد . و صدقني .. إنت اللي بتبقي عملت صوت و قوة لعدوك الفكري بالطريقة دي . … 5- الإسلام مانزلش علي مسلمين … يا مسلمين .. الإسلام نزل علي العالمين كلهم .. و كتير من ال ( مسلمين ) كانوا ( مش مسلمين ) قبل ما يسلموا .. هل تظن إنهم أسلموا .. لأن المسلمين الأوائل شتموهم ؟! لأن المسلمين الأوائل إتنططوا عليهم ؟! لأن المسلمين الأوائل إتريقوا علي عقائدهم و أصنام العجوة بتوعهم ؟! .. الإسلام نزل بالإختلاف عن الشرائع اللي سبقته كلها .. بدون التركيز علي معجزات بصرية ( تعجز ) العقل .. الإسلام نزل بآيات تدعو البشر لل ( تفكر و التدبر و التأمل ) .. .. التفكر و التدبر و التأمل … مابيشتغلوش فعقل البشر .. لما تشتمهم .. يعني ماينفعش تمشي تقابل إنسان سرسجي في الشارع مثلاً .. و تشتمه بأمه .. و بعدين تطلب منه ( تدبر في أمرك و حالك يا إبن ال ##### ) . .. التفكر و التدبر و التأمل .. بيشتغلوا فعقل البشر .. لما تناقشهم .. تفهمهم .. تتفاهم معاهم . … 6- تخيل مثلاً لو المسلمين الأوائل مشوا بالنظام العجيب بتاع دلوقتي .. و راحوا طالعين جنب الكعبة و مزعقين بعلو صوتهم : (( بلوك لكل كافر إبن ستين فسبعين .. مش عايزك عندي .. و مش حتاجر معاك ولا أتعامل معاك .. خلي بروفايلي ينضف من أمثالكم )) .. .. متخيل هزلية موقف زي ده ؟! يا سيدي الفاضل .. لا تمن علي الناس بإسلامك .. بل الله يمن علينا بإسلامنا .. .. يا سيدي الفاضل .. إحترم الرسالة اللي بتحملها .. يا سيدي الفاضل .. العالم .. بكل ما فيه .. من جيد و من سيء .. من حاجات كويسة الناس عملتها .. و من حاجات سيئة الناس برضو عملتها .. كل ده من خلق الله .. … يا سيدي الفاضل .. المقاطعة و الحصار ( للبراندات و الأشخاص و ما شابه ) .. بتكون قرارات دول و جيوش و أمم … مش أفراد .. لكن كإنسان عايش في مجتمع كل أجزاءه متصلة .. لما بتقرر إنك ت ( بلوك ) شخص .. أو تشتمه … أو ت ( بلوك ) براند .. أو تشتمه .. فإنت مش بتأثر بالإيجاب إطلاقاً .. بل بالسلب معظم الوقت .. لأن ال ( شخص أو البراند ) ده من الناحية التانية .. بيقدم وهم إنه ( بيناقش ) .. صوتك مع حيعلي للنقاش بال ( شتيمة ) .. صوتك حيعلي للنقاش لما تبطل تزعق و تنفر الناس منك .. صوتك حيعلي لما تبطل زعيق .. و الناس هي اللي تقرب ودانها منك .. … و الله أعلم