كلمتين أبرك من عشرة ... صلي علي اللي حيشفع فيك

كلمتين أبرك من عشرة … صلي علي اللي حيشفع فيك .. و كمان زيد النبي صلاة .. مصر ولادة … و الخير في البلد دي الي ان تقوم الساعة .. و الشباب شباب القلب و الدهن في العتاقي .. و مين فينا ماعملش كده و هو صغير بس احترام الكبير واجب .. و من لاقلوش كبير نصغرله احنا … و انت برضك عيب عليك انك ماخدتش بالك من شيء زي ده قبل ما تحط نفسك في موقف زي ده .. سيبك انت .. المضمون في الزمان ده هي العشرة و العيش و الملح .. ده حتي العشرة و العيش بالملح مابيتصانوش .. فا انت صاحب صاحبك مش صاحبه هو … عشان ولاد الحرام مالهومش اب .. و انت ربنا يوقفلك في سكتك ولاد الحلال قادر يا كريم .. , و يسلم الشدة اللي تبين عدو من حبيب .. و القرش الأبيض ينفع في اليوم الإسود .. و حياة أبويا و أبوك .. و العيش و الملح .. و أشياء أخري .. و الله أعلم .. و كل سنة و انتم طيب و بالصحة و السلامة ..و بعودة عليكم الايام بخير و سلامي للجميع و اتفضل اشرب شاي … … تقدر تستخدم اي محتوي مما سبق مع امكانية التكرار عشان تتكلم مع اي مصري “خصوصا بعض سواقين التاكسي .. و معظم الحلاقين ”… و اضمن لك انك تطلع من الحوار و هو بيحترمك جدا .. #the_perfect_argument