شفت هيبتا - Heptaa .. للمرة الأولى ... و للمرة

شفت هيبتا - Heptaa .. للمرة الأولى … و للمرة الأولى من سنيييييين حاتكلم تانى عن ال .. حب .

إحتجت دقايق بعد ما خلصت الفيلم عشان أتخطى شعور العدوانية اللى باشعر بيه تجاه معظم الإنتاج الفنى المصرى بشكل (default) . إحساس عدوانية إتزرع من مراجعة طفولة سنين من الإنتاج ده و مقارنته بحاجات ذات جودة فكرية أعلى قبل أن تكون سينيمائية طبعاً او ما شابه . … عشان كده و مع كل إحترامى لكل عناصر الفيلم من أقلهم لأكبرهم … و عشان أكون باتكلم فحدود خبراتى و معلوماتى الضئيلة .. حاتكلم عن الفكرة بشكل مجرد عن تكوينها الروائى و السينيمائى . … الحب .. الفكرة الأساسية .. ؟!!! … ؟؟؟!!!!! .. أعتقد إن أول جمل الفيلم .. اللى فيها ماجد الكدوانى بيعرف الحب على إنه أحد الألوان الأساسية فتكوين صورة الحياة .. كانت سبب إنى كونت إنطباع معين .. إتمنيت إنه يختلف على نهاية الفيلم … ماختلفش . .. الألوان الأساسية : أحمر , أصفر , أزرق من التلات ألوان دول ( أو لو فى عالم الكمبيوتر يبقوا : أحمر أخضر أزرق) .. نقدر نكون أى لون تانى فى الحياة … … فى ( حياتى ) أنا .. و فى حياة البشر مجتمعين … و لكن ليس بالضرورة فى (حياتك أنت) .. لا أعتقد إطلاااااقاً إن الحب هو أحد ألوان الحياة الأساسية .. و لا أدعى إنى على دراية كاملة بجميع ألوانها الأساسية .. .. وضعت حياتى بين قوسين .. لأن حياتنا كأفراد مختلفة جداً فالعناصر و الألوان الأساسية المكونة لها .. بالنسبة ليا مثلاً .. لو حاولت إنى أحلل الألوان الأساسية فحياتى : (كمبيوتر , تكنولوجيا , رياضة , أنيمى , علوم , ممكن ليج أوف ليجيندز , … ) و الحب عندى .. عبارة عن منتج من الحاجات دى (فوجهة نظرى ) … يعنى لو خدت شوية ليج أوف ليجيندز على شوية أنيمى .. و عصرت عليهم شوية رياضة .. و رشيت فوقيهم شوية تكنولوجيا و كمبيوتر … فوالا .. بقى فى حب . … حياة البشر (فوجهة نظرى برضو) .. ماعتقدش إطلااااقاً إن الحب لون أساسى فيها .. ألوانها فوجهة نظرى هى :

• الغرائز الأساسية جوانا ( مأكل , ملبس , مشرب , تزاوج … )
• الثقافة المكونة للوجدان المجمع للمجتمع ( يعنى عاداتهم و أفكارهم و تقاليدهم ) .. … … … الحب فحياتى طبعاً فيه من ال7 مراحل اللى تم ذكرهم فى الفيلم .. و لكنى أعتقد إن مراحل الحب مش 7 .. بل هى غير معدودة و غير محددة بالمرة .. خليط لو دورت جواه حتلاقى من كل شىء … يعنى لو إتفرجت على سلسلة أفلام saw برضو حتلاقى فيها جوانب تشابه كتير مع الحب فحياتى .. … و أظن ناس كتير زيى … كتير أوى .. … الفيلم ناجح … ناجح جداً … ببساطة .. هو جاب معامل مشترك بين أكبر عدد من المصريين .. و بنى فوقه كيان متبل كويس جداً .. و لكن “و فوجهة نظرى برضو” .. التأثير السلبى ليه .. كبييييير جداً جداً … لأنه بيصور إن منظور الحب منظور كافى للنظر للحياة و الحكم عليها … .. يعنى فعالم التصميم و الثري دى مثلاً .. ممكن لو إنت باصص على المشهد من منظور واحد من التلاتة الأساسيين … يهيأ ليك إن فى حاجات لامسة بعضها .. أو إن حاجات قريبة من بعضها … فى حين إنك لو بصيت من منظور تانى … تكتشف إن الحاجات دى بعييييييييدة جداً عن بعضها … … ده سبب نظرتى السلبية لأى فيلم بياخد الحب كلون أساسى يتكلم بيه … مش عنه .. … الحب … الحب عامل زى التوابل فوجهة نظرى .. كان موجود .. كان بها .. ماكنش موجود .. برضو الأكل مفيد و مهم و يشبع .. و يأدى غرضه … لكن .. لكن ماينفعش أبداً نتغدى طبق توابل و نقول بالهنا و الشفا .. و طول ما إحنا بنقضى معظم وقتنا بنتكلم عن التوابل .. و مابنتكلمش عن المكونات الأساسية للوجبة السليمة … طول ما إحنا حنستمتع لمدة ال90 دقيقة بتوع الفيلم بس … بس حتكون أجسامنا دايماً فى غاية الفقر و الإحتياج للألوان الأساسية .. … … … فى مجتمع .. إكتمل فيه التالى :
• تعليم صح - تربية صح - تفكير صح - إستقرار عقلى و مش وهم الوظيفة - فرصة حقيقة لإحساس الأفراد بالإنجاز - … .. كنت حابقى أكثر تقبلاً جداً لفيلم خلى عدد ضخم من مشاهديه يبصوا على العصفورة و ينسوا مشاكلهم الحقيقية . … والله أعلم .