مشكلة ناس كتير من اللى بتكلمنى هى (البداية من الصفر)

مشكلة ناس كتير من اللى بتكلمنى هى (البداية من الصفر) .. إن إزاي يبتدى بيزنس أو شغل وهو لسة ماعهوش ولا مليم .. … من ست شهور تقريباً .. لما حبيت أشتري لابتوب جديد .. بدأت أعمل سيرش و أدور بشكل مكثف .. و أقارن بين الإستعمال و الجديد .. خصوصاً إن ميزانية اللاب أو الموبايل بالنسبة لى بتبقى مشابهة لميزانية العربيات بالنسبة لناس كتير .. … و لقيت GEEKS STORE و فعلاً كنت قاب قوسين أو أدنى إنى أشتري أحد اللابات اللى كانوا عارضينها .. فكلمتهم .. و إتعرفت عليهم .. و أصبح أحد مؤسسيها من الأصدقاء العزيزين جداً عليا .. (يكفي إنه جالى دمنهور .. من سوهاج !! ) .. … من كام يوم GEEKS STORE كملوا سنة .. و نجاحاتهم خلال السنة دى و معدل نموهم فعلاً من أحد الحاجات اللى بتسبب لي سعادة و أمل .. لأنهم .. إبتدوا من .. الصفر .. .. و بمناسبة عيد ميلادهم طلبت من محمود صديقي إنه يبعت ليا قصته و قصة جيكس ستورز من البداية .. و المشاكل اللى عدوا بيها .. و التفاصيل .. و بعتهالي .. و فعلاً تستحق إنها تتنشر .. … إن شاء الله خلال 24 ساعة حاطلع برضو لايف .. و أقرا لكم القصة .. و أشرحلكم إزاى خلال سنة قدر 3 شباب من سوهاج إنهم يبتدوا حاجة زي كده .. لعل يكون ده مفيد لأى حد لسة شايف إنه محتاج قدرات خاصة أو خارقة عشان يعمل بيزنس أونلاين . … … و بنفس المناسبة دى ( و أنا ماقلتش لمحمود إنى حاعمل ده كمان ) .. بمناسبة عيد ميلاد GEEKS STORE حاعمل giveaway .. يعنى حاطلع 3 هدايا .. بس مش غاليين مادياً .. لكن أتمنى يكون قيمتهم المعنوية أكبر .. و بأمانة لسة ماحددتش هما إيه .. و شروط الهدايا و كيفية الحصول عليها و كل التفاصيل دى حاعلن عنها فى الفيديو إن شاء الله .. … ترقبوا :)