أنا نزلت الفيديو من إنستاجرام (يا رب مايضايقكيش ده يا

أنا نزلت الفيديو من إنستاجرام (يا رب مايضايقكيش ده يا هدير :) ) .. و رفعته هنا لأمكانية عمل شير ليه .. لأنه يستحق إنه يتشير .. https://www.instagram.com/deerosan/ follow her .. تقريباً من سنتين أو أكتر .. Hadeer Badawi كانت من الناس المميزة جداً جداً اللى شرحتلهم فوتوشوب فى new horizons .. تميزها ماكنش تميز أكاديمى من النوعية اللى بيوهمونا إياها فى المدارس .. (اللى هو مين حيجاوب أسرع .. أو مين حيحفظ أكتر . .أو مين حيعمل زى المدرس بالظبط من غير ما يشغل دماغه ) .. تميزها كان مختلف .. كان تميز فنانة بالفطرة .. فنانة مش عايزة تجاوب أسرع .. أو تحفظ أكتر .. أو تعمل زى المدرس بالظبط .. فنانة عايزة تطلع اللى جواها .. و بتدور بس على الأدوات المناسبة اللى تساعدها فده .. فنانة بالفطرة (زي كتيييير أوي قابلتهم ) .. بس اللى ميزها .. إنها رفضت تصدق غير فنفسها … و ماسمعتش لكل الأصوات اللى لامتها و حكمت عليها عشان هى ( مش بتجاوب أسرع .. أو بتحفظ أكتر .. أو بتعمل زى المدرس بالظبط من غير ما تشغل دماغها ) .. و على مدار السنتين اللى فاتوا تقريباً .. كنت باشوف تطورها من خلال الحاجات اللى بتشيرها على الإنستاجرام .. و النهاردة شوفت ليها الفيديو ده .. و حسيت بسعادة مش طبيعية .. المستوى اللى هى شغالة بيه دلوقتى تخطى بمراحل و أميال اللى كنت باشرحه لها من سنتين .. و لا أدعي بأى شكل إنى ساهمت فده .. أنا متأكد مليون فى المية إنها كانت حتوصل لده لوحدها ..

بل إعتقد إن مستواها تخطى مستوايا الحالي يمكن فى الفوتوشوب بالتأكيد بمراحل كتير كمان .. ماعتقدش إنى أقدر أعمل اللى هى بتعمله دلوقتى .. و ده بيدينى إحساس خرافى بالسعادة .. و أنا شايفها بتكتشف كل يوم بعد التانى إمكانياتها الضخمة .. و بتطوع الأداة ( الفوتوشوب,الكمبيوتر , التابلت , التكنولوجيا , … أى آداة ) إنها تترجم بيها موهبتها .. … شكراً هدير .. حقاً باستمتع بالحاجات البسيطة اللى باشوفها على الإنستجرام من شغلك ..

الفيديو من أكاونت هدير : https://www.instagram.com/deerosan/