الإيميل الظريف ده جالي إمبارح .. ما مفاده إن

الإيميل الظريف ده جالي إمبارح .. ما مفاده إن : أبوورك ( لو ماتعرفش هو إيه شوف الفيديو بتاعي فى اللينك ده : https://www.youtube.com/watch?v=SDP_318kCl8 ) قرروا إنهم حيلغوا الجزء بتاع الإمتحانات .. يعنى : كان فى جزء كده و إنت بتبنى البروفايل بتاعك .. إنك تاخد إمتحانات فى اللغة و المهارات اللى إنت شغال بيها ( إنجليزى بقى , فوتوشوب , برمجة , … ) زى ما تحب . .. و نتيجة الإمتحان دى بتتحط فبروفايلك .. و تساعد اللى يبص عليك إنه يعرف إنت جامد قد إيه فى الشغل بتاعك .. .. الإيميل ده فيه (لو مالكش فى الإنجليزي و مش عايز تقراه) .. إنهم حيلغوا الموضوع ده .. لأنه إتضح إنه ( غير دقيق) فتحديد مهارات الفريلانسرز .. و سهل إنه يتفبرك .. و مالوش معنى فتحديد فجودة الشغل .. يعنى مثلاً ممكن تكون جايب 100% فى الفوتوشوب .. بس إبداعك = إبداع قلم رصاص مكسور .. و من غير أستيكة كمان . … و بيقولوا إنك لو عايز تعرف إزاى تعلى من قيمة البروفايل بتاعك .. إلقى نظرة على اللينكات دى : https://support.upwork.com/hc/en-us/articles/211063208-Sample-Profiles-and-Best-Practices

https://www.upwork.com/blog/2019/03/specialized-profiles-upwork/

… لو مالكش مزاج تبص على اللينكات .. فملخصها هو :( إشتغل على بورتفوليو نضيف , و إفهم إزاى ترضى العملاء , و رضا العملاء تالت أهم حاجة بعد رضا ربنا و رضا أبوك و أمك .. و شوية حاجات تانية .. ) .. … … الخلاصة : أنا فعلاً باحترم نظام أبوورك .. و باعتبره بيئة ممتازة إنك تاخد منه خبرة شغل عالية … و كون إنهم ياخدوا خطوة زي دي .. فده بيأكد وجهة نظري إن ( الإمتحانات و الإختبارات و التيستات ) بيضروا أكتر ما بينفعوا .. و مابيثبتوش أيها شىء .. و إن العالم رايح فإتجاه أفضل بكتير ل ( تقييم ) المهارة أو العلم .. بعيد عن نظام الإمتحانات … و الدرجات . … و الله أعلم .