تعديل **

تعديل **

تم ملء المكان بالفعل , و فى غاية الشكر لكل اللى تفاعلوا .. أى حد كان إشتغل على حاجة و خلصها .. يا ريت يبعتهالي برضو و حاتواصل معاه شخصياً لما يتوفر فرصة تانية (قريب) إن شاء الله .. .. كل حد كلمنى على الخاص حتواصل معاه خلال ساعتين إن شاء الله .. … أى حد حابب إنه يجرب ففيديوهاتى (أو فيديوهات أى حد تانى ) .. و حابب إنى أنشر شغله هنا و يستخدم ده كدعاية .. أنا تحت أمره :) قدر إستطاعتى إن شاء الله ..

محتاج إنترن (بمرتب قليل) إيديتور .. بالمتطلبات و التفاصيل التالية :

1- يعرف يشتغل بريميير (premiere ) بشكل متوسط .. مش إحترافي إطلاقاً .. يكفينى إنه يعرف يقطع الفيديو .. ويحط صور أو فيديوهات فوقه .. و يرندر . و انا حاعلمه بالتدريج الباقي إن شاء الله . .. 2- معاه إنجليزى متوسط .. مش لازم أستاذ إنجليزى يعنى .. .. 3- أكيد و لازمن و لابد يكون بيحب و بيعرف يعمل سيرش و جوجل :) . .. 4- معاه من الفوتوشوب ما يكفي إنه يعرف يحط كتابة على صورة .. و لو مايعرفش يعمل ده فوتوشوب .. يكفي إنه يعرف يعمله بال ms paint . .. 5- عنده إنترنت سريع .. .. 6- عنده قدرة إنه يستحمل يشوف فيديوهاتى الطويلة ( لأن الشغلانة كلها حتكون على فيديوهاتى ) و يسمع صوتى مدة طويلة ..

الشغل عبارة عن :

1- حاتعمل داونلود لفيديوهاتى الطويلة اللى على الفيس و اليوتيوب .. و لأنى فى المعتاد فى الفيديو الواحد بيكون فى بتاع 20 محتوى ل 20 موضوع مختلفين ب 20 معلومة مختلفين .. ححتاجك إنك تقطع الفيديوهات دى .. و تطلع كل معلومة أو موضوع مكتمل المعالم فى دقيقتين تلاتة بالكتير .. و ترندر و ترفع الفيديو ده بالديسكريبشن بتاعه على قناة اليوتيوب عندى إن شاء الله . .. 2- حاتنزل أى صور أو فيديوهات شايف إنها تخدم شرح المحتوي اللى فى كل فيديو من دول ( مثلاً لو قلت إسم كتاب .. حاتعمل سيرش على ال cover بتاعه و تحط صورته أثناء ما باتكلم .. و هكذا ) . .. 3- حاتعمل ال thumbnail بتاع كل فيديو على الفوتوشوب أو ال paint ( مجرد عنوان الفيديو بفونت نضيف على صورة مقبولة ) .. … 4- أى شغل زيادة ماتعرفش تعمله و حاطلبه منك .. حاعلمك إزاى تعمله بالتفصيل إن شاء الله . … 5- حاحتاج منك فيديوهين فى اليوم ( واحد لليوتيوب .. و واحد تانى للإنستاجرام ) ..

المرتب : حاتبتدى ب 1500 جنيه مصري شهرياً إن شاء الله

المزايا (فوجهة نظري) :

1- لو مستواك الحالي فى البريميير و الفوتوشوب ضعيف .. إن شاء الله خلال فترة بسيطة من الموضوع ده حاتكون وصلت لمستوى متقدم جداً ( حاعلمك إزاى تخلص الشغل ده بسرعة جداً و بكفاءة أكتر وبشكل شبه أوتوماتيك ) . 2- بعد فترة بسيطة لو أثبتت كفائتك .. حاتدخل فى الروستر الحالى للإيديتورز اللى معانا .. و حاسلمك مشاريع كاملة من عملاء (hand-is) إن شاء الله .. 3- لو شايف المحتوى اللى فى الفيديوهات دى مفيد .. إذن إنت كمان حتستفيد .. و حتاخد الفائدة المعنوية إن غيرك يستفيد . 4- حاتكتب فآخر كل فيديو إنك إنت اللى عملت المونتاج .. و ليك حرية كاملة فإستخدام ده كدعاية لشغلك الخاص إن حبيت إن شاء الله .

للتقديم :

1- حتلاقى فيديوهاتي كلها هنا على بروفايلي الخاص على الفيس … و على اليوتيوب بتاعي ( https://www.youtube.com/channel/UCYPMp73ZxwX1vpM0xLjOZ7A?view_as=subscriber) . دور على أى واحد يعجبك .. و إعمل عينة بناءاً على الكلام اللى فوق ده .. و إبعتها ليا على : me@eslamosama.com و علي الماسنجر هنا أيضاً . .. 2- و حدد ليا الوقت اللى إستهلكته فى عمل العينة بالكامل .