فبداية تالتة ثانوي .. أصدقائي العزيزين الإتنين اللي عارفين نفسهم

فبداية تالتة ثانوي .. أصدقائي العزيزين الإتنين اللي عارفين نفسهم و مش محتاج إني أمنشنهم .. يفتكروا إزاي لفيت كعب داير علي كل أساتذتي في الرياضة و الفيزياء فبداية السنة .. عشان أسألهم عن حاجة لاحظتها و أنا بالعب بالمسطرة بدل ما أذاكر . و لمدة طويلة جداً فبداية تالتة ثانوي .. كان كل وقت فراغي عبارة عن إني ماسك المسطرة و باعمل المنظر اللي في الصورة ده و أفكر … إزاي !!

عشان تفهم السؤال .. شايف الصورة التانية دي .. لو عايز أقيس محيط الدايرة الكبيرة .. عن طريق إني ألفها علي مكتب و أشوف المسافة اللي قطعتها .. كأنك جبت بالظبط خيط و لفيته حواليها و قيست طول الخيط ده .. المسافة اللي حتطلع .. هي محيط الدايرة صح ؟ .. و لكن و أنا باعمل كده .. لاحظت إن الدايرة الصغيرة هي كمان .. قطعت نفس المسافة بالظبط .. زي ما هو باين في الصورة .. … المسافتين متساويين بالظبط .. بالمللي ..

هل معني كده إن المحيط بتاع الدايرة الكبيرة … بيساوي محيط الدايرة الصغيرة !!!!

علي أيامي ماكنش في إنترنت بالمناسبة … و فضلت لحد بداية الكلية .. و لفيت كعب داير علي المكتبات و السايبرات .. لحد ما عرفت الإجابة .. … … #فكر