ملحوظة رقم (1) ***

ملحوظة رقم (1) *** أنا ليا فيديوهات باشرح فيها يعني إيه بلوك تشين و بيتكوين .. أيام ما كان البيتكوين ب 12 دولار … ملحوظة رقم (2) *** بعد 20 سنة حياة علي الإنترنت , منهم خبرة شغل 17 سنة من أول مليم قبضته نتيجة شغل أونلاين سنة 2008 . و تقريباً مافيش مجال من مجالات ال ( شغل , ربح , side hustle , passive income , … ) و غيرها من المسميات اللي ما تتسمي دي .. إلا و إما إشتغلته .. أو درّسته ( يعني شرحته مش مجرد درسته ) .. أو حد ينتمي لشركتي شغال أو بيشتغل فيه … أو جرّبته لحد ما عملنا ( proof of concept ) . . أقدر أؤكد لك إن : . … 1- مافيش أى طريقة حقيقية للتربح أو المكسب إطلاااااااااقاً .. ماتقدرش تشرحها لفقيه مسلم كان عايش من 1400 سنة .. . لو مش فاهم النقطة اللي فاتت دي .. محتاجك تركز شوية .. . ( كريبتو , أفيلييت , دروب شيبينج , ريفيرال , سبونسر , إيكوميرس , … ) و غيرها من أياً كانت المسميات دي .. كلها .. بلا إستثناء .. عبارة عن ( تجارة ) .. . إنت بتبيع ( شيء ما ) .. و بتقبض مقابل له .. ال ( شيء ده ) هو ( منتج , أو معلومة , أو خبرة ) .. . و حتي في حالة إن براند يعمل لك ( سبونسر ) .. فهي هي نفس اللي كان بيحصل مع ال ( شعراء ) زمان لما كان بيُجزل لهم العطاء .. يعني أمير معدي علي فرسه .. رحت إنت ظارفه بيتين شعر .. راح رامي لك سُرّة من الدراهم أو الدنانير .. . ده نفس اللي إنت بتعمله لما تعمل فيديو مثلاً بتشرح شيء مهم جداً .. و لكن براند معين دافع لك مقابل إنك تذكر إسمه بالخير في الفيديو .. … 2- نفس المعايير اللي كان بيخضع لها التكسب و التربح من 1400 سنة .. هي هي ماتغيرتش قسماً بالله .. . من 1400 سنة كنت تقدر تكذب عشان تكسب أكتر .. من 1400 سنة كنت تقدر تبالغ في تجميل منتجك أو تخبي عيوبه ( من غشنا فليس منا ) . من 1400 سنة كنت تقدر تخدع الزباين في الميزان ( ويل للمطففين ) .. . و نفس المعايير هي هي بالظبط تقدر تشوفها دلوقتي .. تقدر تكذب عشان تكسب أكتر .. تقدر تبالغ في الماركتنج عشان تكسب أكتر .. تقدر تغش بآلاف الطرق و الطرق .. . و اللي كان حرام من 1400 سنة .. ما زال و حيفضل إلي قيام الساعة حرام برضو . … 3- أى مليم .. أى مليم بلا إستثناء .. دخل جيبك .. و ماعرفتش إنت ( بيعت ) إيه مقابل له … يبقي مليم مشكوك في أمره و تخاف منه .. و تحاول تصلح أمرك بسرعة جداً .. . مرة تانية .. و دي من أصعب الحاجات اللي في عصرنا حالياً ( بالذات في عوالم تشعب الأموال الحالية ) . . إن حد يديلك هدية .. دي أمرها معروف و مفهوم .. إن حد يديلك عطية .. دي أمرها معروف و مفهوم .. . لكن .. إن حد يديلك 10 جنيه .. فقط مقابل إنك إديته 5 جنيه .. ده اللي مالوش أى معني ولا مفهوم .. و خطرررررررررررررررر جداً جداً جداً .. . ماااااااافييييييييييييييييشششششششش حاجة إسمها ( إستثمار ) بالفلوس فقط يديلك مكسب علطول .. مستحيييييييييل .. . الحالات الوحيدة اللي مسموح فيها إنك تدي لحد فلوس يستثمرها .. و إنت مايكونش عندك أى معلومة عن هو حيستثمرها إزاي أو فإيه .. هو إنك تكون موافق بالكامل علي الخسارة قبل المكسب .. يعني تكون فاهم إن إحتمال الخسارة قائم و منطقي جداً .. زي أى شغل أو تجارة في الحياة . . لكن .. إنك تدي لحد فلوس .. و تنتظرها منه زيادة .. ك إستثمار مشروط بضمان المكسب .. ده اللي إسمه ربااااااااااااااااااااااااااااااا . و ده مصائبه لا حصر لها .. قسماً بالله .. مصائب لا حصر لها . … 4- فأى لحظة تلاقي نفسك محتاج للفلوس أوي .. لدرجة إنك بدأت ودنك تميل ناحية ( الربح السريع ) .. يبقي خاف جداً .. و إعرف إن في مئات النصابين بيشموا ريحتك من علي بعد أميال . . تعمل إيه ساعتها ؟! .. تظبط البوصلة .. يعني إيه ؟! . . يعني تعرف إن نفس المُعادلة الحياتية بتاعت الزراعة .. هي هي ماختلفتش و مش حتختلف مع أى شيء له علاقة بالمال في الحياة إلي أن تقوم الساعة . . يعني : لو إنت شغال فحت و ردم و زرع و قلع و بذر في أرضك .. و لكن المحصول باظ .. مرض .. أو الأرض ماطرحتش .. يبقي إنت مشكلتك حاجة من إتنين فقط لا غير .. أ- إما هي مشكلة ( فكر ) .. يعني محتاج تتعلم أكتر .. تبذل مجهود أكتر عشان تتعلم و تعرف أسباب المرض و حله . . ب- أو مشكلة ( ذكر ) .. يعني ( ما لا يُقضي بالفكر .. يُقضي بالذكر ) .. يعني ربنا بيرسل لك علامات إنك محتاج تنتبه و تخلص و تقرب .. . لكن .. لو إنت أساساً لا زرعت ولا قلعت ولا بذلت مجهود ولا عملت أى بتنجان .. و قاعد علي قهوة مستني تلقط فرصة معدية .. . يبقي أؤكد لك مليون في المية … إنت اللي حتتلقط من نصاب حيمتص دمك .. أو يحولك لنصاب زيه . … 5- أى حاجة جديدة في الحياة تفكر إنها معقدة أو معقربة ( ذكاء إصطناعي , كريبتو , إنترنت الحاجات = internet of things , … و غيرها من التريندات اللي بتطلع كل كام سنة دي ) .. ما هي إلا أدوااااااااااات .. . زيها بالظبط زي أى فاس أو كوريك كان أجدادك بيمسكوها و يشتغلوا بيها من 1400 سنة و زيادة . . و الأدوات دي .. مهما إمتلكت منها .. لكن إنت مش فاهم إن المهم دماغك جواها إيه .. حتفضل مجرد أدوات .. مش حتشتغل لوحدها .. . يعني … ال ( ai ) مش حييجي يشتغل مكانك .. ولا يشتغل عندك و إنت تقعد مفخد .. ولا حيحل محلك .. . ال ( ai ) بيشتغل بإيدك إنت .. عشان تنتج شيء ما ( يا رب يكون ذو قيمة ) .. و تبيعه .. و تاخد مقابل له . … 6- أخيراً و ليس آخراً .. قسماً بالله .. و بعد ما شفت في حياتي … آمنت .. البركة في الرزق .. أهم من الرزق .. . يعني .. ال عشرة جنيه اللي ربنا حيبارك لك فيهم لأنهم جائوا صح .. عن طريق صح .. و إن شاء الله تصرفهم في صح .. قسماً بالله .. أهم و أفضل مليارات المرات .. من المليون جنيه .. اللي إنت مش فاهم جات إزاي .. ولا حتتصرف فإيه .. … و الله أعلم .