اللهم لك الحمد .. الفومو (fear of missing out )

اللهم لك الحمد .. الفومو (fear of missing out ) كان نقح عليا و كنت لسة باكلم زوجتي من كام يوم باقول لها إحنا إنشغلنا و ماروحناش رايز أب السنة دي .. تيجي نشوف البتاع ده ؟! .. ردت عليا إن الأولي إننا نخلص الأوريينتيشن للناس اللى معانا و نستغل الجمعة و السبت .. .. فأحد المقابلات أثناء الأوريينتيشن ده .. لقيتني باشرح لأحد الناس إن ليه ننتظر إيفنتات زي رايز أب أو ما شابه عشان ندخل في جو ( الإيكوسيستم ) .. أو ننتوورك مع الستارت أبس .. أو نأوريينت نفسنا علي أى تكنولوجي جديدة ؟! . .. أنا مانكرش إني إستفدت من معظم الإيفنتات اللى روحتها من النوعية دي .. بس بعد مرحلة معينة .. بتكتشف إن مكتبك و لابك أولي بيك .. و إن فنجان قهوة و ساعتين رايقين بضمير علي اليوتيوب ممكن تطلع بيهم بمكسب أكتر من أيفنتات كتير . .. كما إني أتفق قلباً و قالباً مع موضوع إنها أصبحت سبوبة .. و لكن الفومو ليه أحكام :(