من تانية إبتدائى .. لحد (بعد التخرج بسنتين ) آخر

من تانية إبتدائى .. لحد (بعد التخرج بسنتين ) آخر مرة قريت و مسكت فيها رواية من روايات مصرية للجيب .. فاكر كويس كان مكتبة و حديقة الطفل اللى كانت فميدان الساعة فدمنهور .. اللى حسبنا الله و نعم الوكيل بقى فى كل من كان له يد فمحوها من عالخريطة .. كان فى أربع دواليب مليانين بنفس المنظر ده .. كان دايماً بيبقوا مقفولين بالمفاتيح و بيطلعوا منهم 8 كل أسبوع يحطوهم فى العرض عالعواميد .. و كانت عملية من أعقد عملياتى المخابراتية و أنا طفل إنى أبنى علاقات وطيدة مع الدادات عشان يأتمنونى على المفتاح بتاع الدواليب دى .. و أصبحت أملك حق إنى أتعامل معاهم بحرية بعد 4 شهور من الbubby eyes … الصورة دى رجعتلى أحاسيس كتير أوى … بشدة .. و عمق .. و غزارة .. و طبعاً بعد كده أصبحت زبون دااااائم عند مكتبة الأمل Ahmed Mohamd … و كان لحد شبابى كل فلوسى عندهم تقريباً .. ده بيبقى إحساس شبيه جداً باللى باحسه حالياً و أنا بافتح أى ريسيرش بيبر نضيفة .. أو كتاب نضيف .. أو كورس نضيف ..