ده الجزء التالت من البوست اللى الجزء الأولانى بتاعه ده

ده الجزء التالت من البوست اللى الجزء الأولانى بتاعه ده : https://www.facebook.com/korionx/posts/10155019910909716 و الجزء التانى بتاعه ده : https://www.facebook.com/korionx/posts/10155019932629716 فيه شوية كلام عنى .. ممكن تعديه لو عايز المفيد علطول و تدخل فى الجزء الرابع :

خلينا نبتدى بإجابة السؤال التانى : و دى نقدر نعتبرها جزء من الإجابة على سؤال بتسأله شخصياً بمعدل مرتين فى الأسبوع تقريباً .. و أونلاين كتير .. (إنت إزاى كده ؟) .. … أول مرة إتسألت فيها السؤال ده توردت وجنتاى بحمرة الخجل على رأى نبيل فاروق .. و خدت الموضوع على إنه مجاملة جميلة و خلاص .. و بعدين إتسألته تانى .. و تالت .. و لما بدأت أدرس و أظهر بنفسى قدام الكاميرا و أقف قدام عدد من الناس .. و بقيت باتسأله كتير .. بدأت أفكر فعلاً فى الإجابة .. همممم .. هو أنا إزاى كده ؟! … ببساطة .. أنا مدمن .. علم .. … أى نوع و أى مجال و أى صناعة .. … بالنسبالى .. معلوماتنا فدماغنا عامله زى شجرة .. ليها جذور فى المعتقدات و الأفكار الأساسية .. و جذع من الميثودولوجى فى البحث و التفكير .. و فروع و ورق كتيييييييييير من المعلومات و الفروع المتفرقة .. و الطريقة الوحيدة لإنك تستفيد من أى معلومة فدماغك .. هى إنك تربطها بمعلومة قديمة متوصلة لحد جذر الشجرة .. و تربط فيها معلومات جديدة و هكذا .. يعنى إنك تستخدمها . … عشان كده أحيان كتير لو باتكلم مع حد و مش محدد منهج معين للكلام .. ممكن تلاقى الموضوع يفتح عندى و نبتدى مثلاً ب ( عندك تمرين إيه فى الجيم النهاردة ؟ .. ل قانون بقاء الطاقة و محاولات بوزيه و أينشتاين للعب فى الموضوع ده .. و فى النص نعدى على إزاى والت ديزنى لعب فأساس قوانين الكوبيرايتس فأمريكا ) .. ببساطة .. جوة دماغى .. كل حاجة منفدة على التانية .. … و بالتالى باحاول دايماً إنى أكبر الشجرة بتاعت معلوماتى و أنميها .. بكل أنواع المجالات المختلفة من المعلومات و المهارات .. من أول الساندا و الكونغفو … لعزف الكمانجا ..للسباحة .. للبرمجة .. للرسم .. للتصميم .. للجرى مسافات طويلة .. و هكذا .. … و لما حبيت إنى (أجيب فلوس) .. ببساطة .. درست إزاى ده .. فبدأت دراسة إدارة أعمال و تسويق و هكذا .. و بدأت كل واحدة من الستارت أبس التلاتة اللى إشتركت فيهم بنفس الفكرة : فى مشكلة .. و محتاجين ندورلها على حل .. بس الكلام ده ممكن نتكلم عنه بالتفصيل بعدين . و طبعاً كان فى شغلانات متفرقة على مدار السنين الماضية .. … فى فلسفة خاصة ليا فى موضوع الشغل و الفلوس و الكلام ده .. كنت ممكن أتكلم عنها كتير لولا إن تيم فيرريس إتكلم عنها أحسن فى الكتاب اللى كنت كاتب عنه البوست ده : https://www.facebook.com/photo.php?fbid=10155001935659716&set=a.399950004715.175230.644229715&type=3 … و نقدر نوصل للتالى : على مدار حياة مهنية و دراسية عجيبة (ممكن نتكلم عنها تفصيلياً فبوست تانى طويييل ) .. لقيت إن نتيجة للطريقة اللى باتعلم و أدرس و أشتغل بيها إنى إمتلكت مهاارات كتييير منها الشوية اللى كنت ذكرتهم فبداية الجزء الأول من البوست ده . … الموضوع عامل بالظبط زى إستثمار الفلوس .. أصعب مليون هو الأولانى .. بعد كده حتستثمر المليون ده حيجيبلك أخوه .. و أصعب مهارة هى ( كيفية التعلم + اللغة ).. بعد كده حتستثمر المهارة دى حتجيبلك أخواتها كلهم .. … و الجزء الرابع من البوست ده .. حاجاوب فيه إن شاء الله عن السؤال ( طب إيه الحل ؟ ) .. و كيفية إستثمار معلوماتك . .. رجاء إلقى نظرة .