شوية آراء متفرقة .. " عشان مابحبش أسميها نصايح "

شوية آراء متفرقة .. ” عشان مابحبش أسميها نصايح ” .. :

1- بخصوص البيتكوين و المراجيح بتاعته .. للمرة الألف تقريباً حاكرر والله أعلم .. تحب تعرف إيه اللى سعره دايماً فى الطالع و عمره ما بينزل ؟!! … علم تطوير برمجيات البلوكتشين و كيفية الإستفادة منها فى الخمس سنين اللى جاية . … 2- كمان مرة بخصوص البيتكوين … لو مفكر إن دخولك مجال تطوير برمجيات البلوكتشين محتاج إنك تدرس برمجة ؟ .. أحب أوضح إنك محتاج تقرا شوية .. شوية صغيرين بس حتى .. حتلاقى إنك تقدر تستفيد جداً لو حطيت جزء من فلوسك اللى قاعد بتدور على عملات عشان تتاجر فيها دى … كإستثمار فأى ستارت أب من اللى بدأوا بالفعل فى المجال ده … غالباً حتكسب أكتر . … 3- أى شغل أو إستثمار فى الدنيا .. إنك بتبذل ( فلوس+ مجهود + وقت ) عشان تجيلك فلوس أكتر .. لو قللت فأى واحدة من التلاتة دول .. لازم تزود من الإتنين التانيين عشان يفضل الناتج ثابت . نصيحتى الشخصية … إحترف إسثمار المجهود و الوقت … و قلل جداً جداً من إعتمادك على الفلوس فى الإستثمار . … 4- لو عارف تقرا الكلام ده .. إذن إنت عندك فيسبوك .. إذن إنت عندك إنترنت .. إذن ماينفعش تشتكى إنك عايش فمصر .. او أى دولة تانية مش عجباك … اللى نفسك تعمله فأى دولة تانية فى العالم .. تقدر تعمله فأى مكان .. على الإنترنت .. و البداية دايماً .. الإنجليزى . … 5- بخصوص دوشة المسلسلات و الأفلام العربى اللى منتشرة بقالها فترة : خلاصة الأفكار اللى أعتقد إنها بيتم مناقشتها فيهم :

• الفلوس وحشة و بتغير الناس : المال و البنون
• البنات بقوا متفتحين : كل أفلام سعاد حسنى .. حرفياً
• المسلسلات بتشوه الدين الإسلامى : بجاااااااااد ؟!!!!! “عادل إمام”
• البنات بتدخن سجاير : نادية لطفى , سعاد حسنى , …
• الرجالة و الستات بيخونوا بعض : 98% من الأفلام الأبيض و الأسود و مشهد الكبارية
• بقينا متأثرين بالغرب : أفلام التسعينات و حقبة الديسكو
• فى ناس متطرفة و متشددة : 100% من إنتاج التيليفزيون المصرى من سنة 75 لحد النهاردة . ---------- ممكن لو أى إنتاج فنى مصرى جديد طلع يناقش أى فكرة جديدة غير اللى فاتوا دول حد يبلغنى ؟! ( صرفت إنت قد إيه من وقتك تتابع كل ده ؟! ) … 6- فى ناس كانت بعتتلى تسألنى ليه بقى قليل لما بناقش مسائل تقنية متخصصة فأى مجال من اللى شغال فيهم على البروفايل هنا ؟ ج : معظم اللى بيشغلوا بالى فعلاً و باحاول قدر الإمكان إنى أكون ليا تأثير معاهم .. هما الفئة اللى إما مابيحاولش يحسن من نفسه و مستواه .. أو اللى عايز بس مش عارف إزاى .. الفئة دى بيكون 95% من مشكلتها مش تقنى متخصص .. و لكن فى الأساسيات اللى غالباً بيكونوا نسيوها ( زى الحاجات اللى إتكلمت عنها فوق ) . بمجرد ما بيبدأ على الطريق .. بيكتشف إنه مش محتاج يلاقى الإجابة التقنية المتخصصة على بروفايل العبد الفقير إلى الله .. و لكنه بيبدأ يعرف سكك أكثر تخصصاً زى : stack overflow quora creative cow even youtube skill share udemy … ده ميمنعش إن بين الفينة و الأخرى .. ممكن أتكلم عن حاجة دقيقة تقنياً فأعماق الأفتر إيفكت أو السينيما فوردى مثلاً .. أو من أعماق الإي بى آى بتاع الفيس أو عن كيفية تسطيب الإيثر على أشور . … و الله أعلم .