و لسة اللى جاى أكتر ؟!!! " شفتش الصفارة طالعة

و لسة اللى جاى أكتر ؟!!! ” شفتش الصفارة طالعة منين ؟!!! ”

لسة حالاً قارى خبر على “رصد ” إن ( فهد الروقي، نائب رئيس المجلس البلدي لمدينة #مكة المكرمة، قرر منح #محمد_صلاح قطعة أرض في مكة؛ بعد تتويجه بجائزة أفضل لاعب بالدوري الإنجليزي) . و لقيت نفسى بافتكر أحداث مسلسل #parks_and_recreation بالكامل . … المسلسل من أشهر المسلسلات الكوميدية الأمريكية اللى خلتنى شخصياً أضحك هيستيرياً فمعظم حلقاته. فكرة المسلسل بتتكلم عن موظفة حكومية شاطرة جداً و ناجحة جداً و طموحة جداً .. شغالة فمصلحة حكومية فمجلس مدينة صغيرة فأمريكا . و طول المسلسل بنشوف بشكل كاريكاتورى كل اللى بيحصل فعالمنا الحالى زى :

• الأغلبية أغبيا
• الأغلبية حمير
• الأغلبية متخلفين
• الأغلبية زى العيال الصغيرين .. بالظبط …
• الإعلام إبن ستين فسبعين
• الإعلام كداب .. مضلل .. نصاب ..
• الحكومة بيتم إنتخابها بالأغلبية ..
• و الأغلبية … زى ما شفت فوق .. فالحكومة بتطلع &#^#$ .. … مش حاحكى كل اللى فى المسلسل .. و لكن حلقة معينة إفتكرتها دلوقتى .. الحلقة دى كانت لما تم ضم مدينة صغيرة على المدينة اللى شغالة فيها البطلة .. و المدينة دى كان فيها بحيرة فيها نسبة من الفلورايد .. اللى هو مفيد جداً فمياه الشرب .. و خصوصاً لتقوية الأسنان . فقدمت الموظفة الشاطرة دى إقتراح إن يتم إستخدام البحيرة دى كمنبع لمياه الشرب فى المدينة ” اللى كانت دايماً المية فيها ملوثة بمجارى ” .. واحد من أعضاء مجلس المدينة كان ” دكتور سنان ” .. نصاب و حيوان و قذر و مثال لكل ما هو سىء فى أى إنسان .. لكنه كان بيعرف يتكلم بلغة الأغلبية .. و لو تم إعتماد البحيرة دى كمنبع لمياه الشرب .. كان ناس كتير سنانها حتبقى أقوى و شغله كان حيتأثر و يقل .. فطلع فى الإعلام و بدأ يحذر الناس من إقتراح بطلة المسلسل و يقولهم إنه مخطط عشان يضرهم و إن الكيميا بكل أنواعها مضرة و إنه حيأثر على “ذكورة الرجال ” .. و “إنوثة الستات” .. و حيضر الأطفال .. و كل الهرى ده … حاولت بطلة المسلسل إنها تطلع فى البرامج قدامه و تجادله بكل الحجج العلمية .. لكن الناس كل ما تسمع مصحطلحات كيميائية كانت تخاف أكتر و تصدقه هو .. لحد ما زميل للبطلة دى فى الشغل ” #aziz_ansari ” فهمها إنها عشان تكسب الناس .. لازم تتكلم لغتهم .. و راح طالع فى الإعلام يفهم الناس إنهم خلاص شالوا الفلورايد من البحيرة .. و حطوا مكانه H2FLOW الخلطة السحرية اللى حتديلك شباب و صحة و حيوية و “هرى كتير .. ” .. و عمل أبليكيشن ملوش أى لازمة … إنك لما تشرب منها عدد معين .. حتاخد نجمة .. لو خدت عشر نجمات .. حتاخد رانك عالى إنك راجل “شريب ” .. و كل ما الرانك بتاعك يعلى فى الشرب كل ما تقدر تعلم على أصحابك .. و إستخدم راجل عنده سكس باكس فى الإعلان و بنات لابسين بيكينى .. الناس صدقته و فرحت أوى و كلهم رحبوا بإقتراح إستخدام البحيرة فمياه الشرب .. … طبعاً باقى الحلقة بتمشى زى باقى المسلسل إن أغلبية الناس … متخلفين .. … GAME THEORY .. دى نظرية رياضية فيها جزء بيتكلم عن نفس الشىء .. إن أغلبية الناس دايماً بياخدوا القرار الأسوأ بالنسبة لهم .. إقرا عنها .. … أنا اللى شفته لصلاح مايكملش ماتش كامل لحد دلوقتى … ححاول أشوف ماتش النهاردة مع روما إن شاء الله عشان كده كده حاكون برة .. لكنى فعلاً من اللى باسمعه عنه من معلومات .. يخلينى أحترمه و أحييه .. بالقدر اللى يستحقه ما سمعته عنه من معلومات … و لكنى أعرف عن كتيييييييييييييييييييييييييييييير .. عملوا ما هو فميزان الفائدة للبشر ما هو أكتر بكتييييييييييييييييييير .. و مش بس لم يحظوا على 0.00001 من اللى بيحصل عليه صلاح حالياً من تقدير و إجلال … لا … دول فى منهم اللى فى السجن و اللى إتنفى و اللى … . … الأفكار دى كلها خطرت فبالى أول ما شفت الخبر … و ماعتقدش إن ده جديد .. و ماعتقدش إن ده حصل الكام سنة اللى فاتوا دول بس … كان يا ما كان … كان فى ناس معينين عاشوا فنفس المكان اللى إحنا عايشين فيه ده .. و كان فوسطهم نبى طلعهم من ذل و سبى “إغتصاب دائم” لنسائهم .. و ذبح لأبنائهم … و مع ذلك … عبدوا تمثال تور .. بيصفر .. عمله السامرى … … لسة فى كمان … و الله أعلم .