قد أكون مش متابع قوى لتحركات محمد بن سلمان العالمية

قد أكون مش متابع قوى لتحركات محمد بن سلمان العالمية أو المشهد السياسى و الإقتصادى فى السعودية .. لكن على مدار الشهر اللى فات سمعت و قريت إسمه أكتر من عشر مرات تقريباً من المنصات الإخبارية اللى بتابعها فأكتر من خبر من أنحاء متفرقة فى العالم .. و الزيارة دى سمعت عنها من بلومبرج مثلاً من أسبوع تقريباً .. و زيارة تانية كان عاملها لهوليوود .. و طبعاً زيارته لترامب .. و كان فى لقاء جميل عملته بلومبرج برضو مع الوليد بن طلال .. ملخصه إنه طلع من الحجز اللى كان فيه .. و إن شكراً يا سيادة البرنس .. و إننا عيلة و صحاب و إنه بيدعمه و كده .. و إن شركاته و مؤسساته (بتاعت الوليد بن طلال ) .. زى روتانا و كده .. بتاعت السعودية و برنس السعودية و خيرها للسعودية و برنس السعودية و كلام من ده .. .. الحاجات دى بتعمل شغل إنترستنج أوى فى البورصة بالنسبة للإستثمارات الجارية فى السعودية .. و طبعاً الوليد بن طلال إتكلم على ده أيامها برضو من تحت لتحت … .. و لو كنا إتعلمنا أى حاجة من اللى حصل فى الصين فهوجة ال reverse mergers .. و طبيعة السعودية القانونية و مقاربتها لمناخ زى الإمارات و دبى .. مع الوضع فى الإعتبار إن البحرين لسة مكتشفين بير بترول جديد و ضخم .. ماكتشفوش زيه من أيام 1930 .. و إنهم ناويين يزودوا عدد إنتاج براميلهم من 50 ألف ل 100 ألف … فممكن أتوقع نتيجة لشوية علم ضحل للغاية عندى بالإقتصاد العالمى .. إن الإستثمار فى السعودية حالياً .. حيكون ذا فائدة على مدار الخمس سنين القادمة .. .. و الله أعلم .