اللى مكتوب فى الصورة ده .. إحساسى بقالى أسبوع تقريباً

اللى مكتوب فى الصورة ده .. إحساسى بقالى أسبوع تقريباً … حاجة معينة فى الشغل بتتطلب منى إنى أعيد ترتيب و هيكلة ملف ضخم شوية .. و مينفعش إنى أ”delegate” ال تاسك دى لحد تانى .. لأنى عايزها تتم بطريقة معينة جداً .. فمعظم الشغل الأسبوع ده عبارة عن labor work & data entry .. و ده أكتر أنواع الشغل اللى باكرهها فحياتى .. … غير إننا فحالة إنتظار بقالنا فترة لشركاء لينا يخلصوا اللى عليهم و يباصوا التاسكات لينا .. و دى برضو حالة مابحبهاش إطلاقاً .. اللى هو همممم .. خلصوا ولا لسة ؟!! . … حالات زى كده فى المعتاد زمان كانت بتقودنى إنى أقفز فعلاقات عمل جديدة .. و مشاريع جديدة .. و أفكار جديدة .. لمجرد إنى أهرب من ال” stagnation ” ده .. و نتيجة لكدة .. لما كانت بتنتهى مدد الإنتظار و يخلص الناس التانيين اللى هما المفروض يخلصوه .. كنت بالاقى نفسى فحالة معاكسة بالكامل للحالة الحالية .. حالة إنسان عنده تاسكات محتاجة 40 ساعة شغل عشان تخلص .. فيوم واحد .. … عشان كده باحاول قدر الإمكان دلوقتى “و بعد ما إتعلمت ” .. إنى أقاوم و أمنع نفسى من الدخول فإرتباطات طويلة الأمد تانية .. لحين ما أنتهى من الإرتباطات طويلة الأمد الحالية .. ” أمثلة لكده هو التدريس و الكورسات ” … أو ” فيديو جيم من حجم سكايرم مثلاً .. ” . … و لكنى .. و بكل صراحة .. أفتقد بشدة شىء معين جداً جداً فى التدريس و الكورسات .. ألا و هو : الأسئلة . … لما بدأت أدرّس .. إكتشفت إن حاجات كتير جداً تعتبر بديهية بالنسبالى .. بتمثل أسئلة و ألغاز كتير لناس كتير من اللى حضروا كورسات ليا .. .. و لقيت متعة ضخمة فإعادة إكتشاف معانى الحاجات و المفاهيم دى و أنا باحاول أشرح و أجاوب أسئلة الناس دول . … متعة بتكمل متعة التعلم و القراية و إكتشاف معلومات جديدة بالكامل .. أو التفكير فمسائل جديدة بالكامل .. .. كأنه بمساعدته لعقل جديد إنه يخوض مغامرة هو خاضها قبل كده .. او يفهم مسئلة هو فهمها قبل كده .. بيهدى نسبياً رغبته فى البحث عن مسئلة و مغامرة جديدة . … فى الحالات المشابهة كنت أحياناً ما ألجأ لـ : quora و reddit و العديد من الوسائل الأخرى .. … عارف إنى سئ جداً فى التعامل مع الرسائل على الفيس هنا و باتأخر دائماً فى الرد .. و لكنى باحاول أحسن من ده بكل أمانة .. .. إن كان بإمكانك مساعدتى .. فلا تتردد .. إسأل فكومنت .. أو رسالة .. أو هنا : https://korionx.sarahah.com/