#نظام_التعليم_الجديد .. و القديم .. و اللى علطول

#نظام_التعليم_الجديد .. و القديم .. و اللى علطول .

0- الإنجليزى أهم من المية و الهوا … الإنجليزى أهم من إنه يتعلم يتف على عمو .. الإنجليزى أهم من إنه يتعلم يشتم عمو .. الإنجليزى أهم من لعب الكورة فى الشارع .. … 1- إنت و إبنك أو بنتك .. و أمهم (أو إنتى يعنى ) .. كل واحد فيكم معاه سوبر كمبيوتر فإيده (موبايلك ) .. يقدر ينزل (حرفياً عشرات ) البرامج و التطبيقات اللى تعلم إبنك أو بنتك .. و تعلمك إنت شخصياً .. اى لغة تحبها .. إنجليزى أو فرنساوى .. ولا حتى ماندرين ( صينى) .. كل اللى إنت محتاج تعمله بس .. هو إنك تبطل تسمع هرى أغانى و أفلام و مسلسلات عربى .. و تبدأ تسمع باللغة اللى نفسك تتعلمها ( أو تعلمهاله ) … خلال سنة واحدة .. حيكون مستواه فى اللغة دى قد مستوى واحد عايش فى الدولة اللى بتتكلم اللغة دى .. سنة واحدة . … 2- لو إبنك أو بنتك حينام ال 8 ساعات الطبيعيين .. و يقضى ال8 ساعات بتوع الصبح فى المدرسة (ملناش دعوة بيها ) … ال 8 ساعات اللى فاضلين لو قضى ساعتين منهم على أى منهج من عشرات المناهج العلمية المنتشرة على الإنترنت ( خان أكاديمى و ما شابه ) .. و ركز إنه يخلص منهج معين قبل ما يبتدى اللى بعده .. خلال سنتين غالباً ممكن يشتغل و يكمل صرف على نفسه من جيبه . كل اللى إنت محتاج تعمله .. إنك تكون قدوة ليه .. و لما يلاقيك إنت بتحب تعمل كده .. هو كمان حيحب يقلدك .. لكن لما يلاقيك إنت بتسمع مهراجانات و تتفرج على مسلسلات عربى فوقت فراغك .. حيطلع حافظ أغانى المهراجانات و المسلسلات العربى برضو . … 3- خلال ال20 سنة اللى جايين ( يعنى لما إبنك يبقى قدك) .. لو حصل تقدم علمى قد نص اللى حصل خلال ال20 سنة اللى فاتوا ( فى الحقيقى المفروض حيحصل اكتر من الضعف) .. لكن لو حتى حصل نص التقدم بس .. 80% تقريباً من العبط اللى حيتملى مخه بيه مش حيحتاجه .. و 80% تقريباً من اللى حيحصل قدامه .. مش حيفهمه .. فركز على التالى .. (لأن فى الغالب دى الحاجات اللى إنت شخصياً مش فاهمها حالياً ) :

• mathematics
• computer science
• artificial intelligence
• physics
• biology
• chemistry
• sociology
• arts , creativity , music and design
• media and entertainment industries
• engineering و حاول قدر الإمكان تخليه يتجاهل التالى :
• تاريخ ( شوية فيديوهات لما يكبر حتفهمه كل اللى محتاج يفهمه .. بدل ما يكبر و هو بيذاكر حاجات مغلوطة و مزورة و مكذوبة ) .
• جغرافيا ( برضو حتتغير خلال العشرين سنة اللى جاية .. لكن خليه يتعلم ضرورى عن ال climate change ) .. لكن أقسملك إنه مش لازم يملى دماغه بأطوال أعشاب السافانا فى أواسط أفريقيا .. (دلوقتى عالأقل) .
• أى علم محلى أو سياسى .. … 4- الجيمز و الألعاب مهمة جداً .. جداً .. جداً جداً … و مش مضرة .. و مش مؤذية .. و بقى فى أكتر من منحة فأكتر من جامعة من أشهر جامعات العالم .. فألعاب إلكترونية مشهورة زى ليج أو ليجيندز أو أوفر ووتش .. و اللى يقولك الألعاب و الرياضات الإلكترونية مضرة .. إعرف إنه نووب ( لو مابتلعبش مش حتعرف معناها ) . … 5- إبنك كإنسان تلات حاجات ( جسم و عقل و روح ) .. العقل بالدراسة .. الروح بالدين ( مابفتيش فيه ) .. الجسم بالرياضة .. ( لو أهملتها حيطلع زى الترابيزة أم تلات رجلين اللى فيها رجل قصيرة … يعنى مايلة ) . … 6- إبنك مسئوليتك .. مش جهاز توديه التوكيل و يرجعلك بعد 18 سنة مختوم و متقفل … إبنك تربيته و تعليمه مسئوليتك بنسبة 99% … و ال 1% اللى فاضل لو تقدر تشيله برضو شيله . … 7- الشغل مش بالشهادة .. و بطل يبقى بالشهادة من 10 سنين .. 8- السفر مش بالشهادة .. 9- الجواز مش بالشهادة 10 - الجرى ورا شهادة .. حيجيبلك شهادة .. ملهاش أى قيمة .. … كفاية كده .. و الله أعلم .