درس مستفاد سريع (اللهم لك الحمد والشكر و الرضا حتي

درس مستفاد سريع (اللهم لك الحمد والشكر و الرضا حتي ترضي ). ماتحطش السلم الالوميتال الست درجات الطويل ده .. علي السلم الرخام العادي ال١٣ درجة بحيث أنه يكون ضهره الهوا .. و تطلع لحد اخر درجة علي السلم الالوميتال فوق .. لانه ممكن … لا هو مش ممكن .. هو بالفعل اتزحلق و حتلاقي نفسك مستمتع برحلة طيران لمسافة السلالم دي كلها .. و السلم الالوميتال ال ٦ درجات الطويل ده .. مستمتع برحلة طيران مشابهة فوقك .. و هبوطه فوقك . 😅😄 … اللهم لك الحمد والشكر إني كنت لسة باعلم المكان اللي حاخرم فيه .. و ماكنتش لسة مسكت الهيلتي .. اللهم لك الحمد والشكر إني كنت مطلع المفكات من جيوبي .. و الا كان زماني باكتشف لو كانت احشاءي صليبة ولا عادة . و الحمد لله و الشكر لله ان تصميم سلم بيتنا مافيهوش مساحة كافية بين السلمين اللي طالع و اللي نازل أنها تعدي جسمي .. و الا كان زماني باوصف تجربة الطيران و الهبوط في بير السلم من الدور التالت .. .. و الحمدلله علي كل السيناريوهات اللي مافكرتش فيها حتي لكان ايه ممكن يحصل 😅 ندعو الله التعافي السريع من بعض الرضوض و الخدوش البسيطة