** توضيح (1) ماكنتش ناوي أكتبه

** توضيح (1) ماكنتش ناوي أكتبه : ( لو كنت كتبت بدل ” personal assistant ” .. إني حاعمل وورك شوب مدته 6 شهور .. لعدد 5 أفراد .. حتقبض فيه 3000 مصري شهرياً + نسبة 5% من المشاريع اللي حتشتغل عليها .. بس في شوية متطلبات أولية لازم تكون موجودة عشان تقدر تستفيد بالوورك شوب دي .. و لازم تذاكر كويس عشان في إمتحان في آخر ال6 شهور .. علي حسب نتيجتك فيه حيتحدد لو حتتعين في الشركة بمرتب أكبر أو لا … , و إن خلال ال6 شهور دول حتتعلم شوية حاجات كتير في مجالات شغلي ” tech, ecommerce , … ” ) . هل حتكون دي صيغة مقبولة نسبياً ؟ .. رجاءاً .. لو خطتك لوقتك خلال ال6 شهور أفضل بكتير من اللي باعرضه .. بكل تأكيد عرضي حيكون غير مناسب . .. *** توضيح (2) ماكنتش ناوي أكتبه برضه : أنا مش بادور علي (executive = يعني شخص ينفذ المشاريع بإيده ) .. أنا بادور علي ( biz dev = يعني شخص يتابع ال hiring و ال follow up و ال progress بتاع المشاريع ) . في فرق ضخم . … **** توضيح ( 3 ) و ده الأهم علي نقطة الخلاف الأكبر ( المرتب ) : عمولتي الشخصية من المشاريع اللي باشرف عليها = 10% … مش حاكتب ده بيساوي كام .. تقدر ترجع في بوستاتي 3 سنين لورا أيام ما كنت باشير تفاصيل عن الشغل لو تحب تعرف نسبياً .. مع بعض الإستقراء المنطقي . فبالتالي .. ال ( 3000 مصري ) .. مجرد الرقم اللي قررت أدفعه حتي لو كان العائد من شغلك خلال الشهر بالكامل = صفر 🙂.

محتاج ( Personal Assistant ) . …

• مطلوب تفرغ كامل 24 ساعة يومياً .

• مرتب : 3000 مصري شهري ثابت + نسبة 5% من المشاريع اللي حيتواجد فيها ك ( business dev ) .

• الوظيفة 90% منها حيكون ( virtual = work from home ) ما عدا الإجتماعات الضرورية .

• حيكون مطلوب حضور مؤتمرات و إيفنتات ( و غالباً سفر متكرر بين القاهرة و الإسكندرية ) … ” كل التكاليف مدفوعة ” .

• السفر لدُبي إختياري علي حسب إمكانية الشخص , و ضرورة تواجده بدُبي … ” كل التكاليف مدفوعة ” .

• لازم يكون ( fluent ) إنجليزي … ( مش إجادة متوسطة .. لا .. 99% من الشغل و التعاملات و الكلام حيكون إنجليزي ) .

• لازم يكون عنده لاب شخصي .

• إجادة مقبولة ل ( word , excel ) .

• لازم يكون فاهم نسبياً مبادئ ال ( project management ) . … شرح الوظيفة : … في الصورة المثالية في عقلي للشخص ده , إني أبعت له سكرين شوت مثلاً لإيميل وصلني .. و عليه شوية ملاحظات بسيطة و كلمة ( خد أكشن ) .. يرجع ليا بعد فترة زمنية بسيطة بخطة عمل منظمة و يكون بدأ بالفعل فيها . .. الريسيرش ثم الريسيرش ثم الريسيرش للمرة الألف .. حيكون 99% من اللي الشخص ده بيعمله في الحياة . ال1% الباقيين حيكونوا التنظيم و الإدارة . .. الشخص ده حيكون مسئول عن ( جدول مواعيدي العام = public calendar ) .. و حيستقبل مكالمات و إيميلات كتيييييييييييير بدالي . .. حيتم تكليفه بكل أنواع التاسكات الإدارية و التقنية , و ماعنديش مشكلة أقعد أشرح له كل اللي حيحتاجه عشان ينفذ التاسك .. بس المهم إنه يكون بيتعلم . … طريقة التقديم : … رجاء سجل فيديو مايزيدش عن 10 دقايق . فيه إجابات الأسئلة التالية :

1- أقرب 5 مؤتمرات/ إيفنتات في مصر في مجالات ( التكنولوجي , البيزنس , الترفيه ) ؟ 2- آخر مؤتمر / إيفنت حضرته كان إيه ؟ , و الفيدباك بتاعك ؟ 3- أنهي أبليكيشن / برنامج حتستخدمه لإدارة المشاريع و المواعيد ؟

4- و ده السؤال المهم : ( حياتك كخط أعداد ) ..

• كل ما سبق في حياتك .. الفيدباك بتاعك عليه ؟
• النقطة الحالية في حياتك .. خياراتك المتاحة بشكل مباشر .. إيه هي ؟
• النقط اللي ممكن توصل لها بعد سنة بناءاً علي خياراتك المتاحة دي .. فاصلك عنها إيه ؟

5- قدم نفسك بشكل حر بالطريقة الأمثل من وجهة نظرك . … إرفع الفيديو علي جوجل درايف , و إبعت لي اللينك في رسالة علي الماسنجر هنا . معاه إسمك , رقم موبايلك , و مواعيدك المفضلة لعمل مقابلة ميتنج زوم . … المقابلة حتكون بالإنجليزي .