زمااااااااان .. أيام ثانوي و الكلية .. كان في حركة

زمااااااااان .. أيام ثانوي و الكلية .. كان في حركة رزلة بنعملها في الرياضة ساعة ما نحس إننا إتخنقنا من مسئلة معادلات و مش عارفين نحلها .. و كنا بنعمل ( عمل ) .. و نضيف علي طرفين المعادلة من الناحيتين ( 0 ) صفر يعني .. و بعدين نفك الصفر الناحية الشمال لحاجة زي ( 25 - 25 ) .. و صفر الناحية اللمين لحاجة زي ( 49-49 ) مثلاً .. و بعدين نحلل كل طرف .. فالشمال يبقي ( 5 - 5 )(5 +5) … و اللمين يبقي ( 7 - 7 ) ( 7 + 7 ) .. و بعدين ندور علي أي شوية تفاضلات علي تكاملات علي نهايات مالهاش أي تلاتين لازمة في المسئلة .. و نزودهم لمين و شمال .. المهم إن في الآخر برضو النتيجة بتاعت كل اللي ضفته ده هي ( 0 ) .. .. و أحياناً كنا بنجود و تاخدنا الجلالة .. و نطلع إن ( 0 لا يساوي 0 ) كمان 🤣🤣 ” واخد بالك ؟ ” .. … … … في دوشة ضخمة عالمية عن عن شركة خسرت بتاع حاجة و أربعين مليار دولار تقريباً في عوالم الكريبتو .. ( تيرا .. و لونا ) ..

خلاصة كلام كتيييييير .. و هري كتييييييير تقني و غير تقني .. و إقتصادي و غير إقتصادي .. و هبد كتير كان ممكن أهبده في بوست طويل فحت .. أو فيديو طويل برضو .. هو موضوع إن ( 0 = 0 ) ده .. و اللي فاهم نسبياً حيفهم أكتر .. و اللي مش فاهم .. صدقني . .إنت مش خسران كتير .. ماتشغلش بالك 😅