هو الناس ليه مستغربة ؟!!

هو الناس ليه مستغربة ؟!! يعنى مثلاً مثلاً يعنى .. واحد صاحبى عنده جهاز كمبيوتر من سنة 2001 مغيرهوش .. و كل ما أقوله جدد أم الجهاز .. يجيبله شاشة أكبر .. و كل شوية يشتكيلى من إن الجهاز سرعته بطيئة فحت و مش راضى يواكب العصر !! و ليل نهار فاتح مواقع “ولا مؤاخذة” .. و الأنتى فيرس بتاعه أساسه مالوير .. و بيخلص كل شغله “الماديات” من عليه .. و بيشتكى إنه بيتسرق !! و كل ما حد من عيال صاحبى ده يشتكى .. يقوله إنت اللى خربت الكمبيوتر عشان فاتح عليه جيمز و كتب طول النهار . لما صاحبى ده بقى ييجى يقولى مثلاً إن الشاشة النهاردة ضرب نصها أسود فجأة … أتفاجئ أنا بقى ؟!!