بوست مختلف منفعل إيجابياً بتفاصيل الشغل شوية ..و فيه شوية

بوست مختلف منفعل إيجابياً بتفاصيل الشغل شوية ..و فيه شوية نصايح يمكن (الكاستومر سيرفيس )

1- خلال الشهر اللى فات عميلين جداد تقال دخلوا عندنا على اللستة .. بسبب كيفية هندلة الإيميلات الأولانية … و كيفية التعامل مع المشكلة .. ** شخصياً (يمكن اللى إشتغل معايا يعرف ده ) حتى لو ماسك شغل فريلانس لوحدى .. باتعامل مع الإيميلات بصيغة و بلغة رسمية جداً .. مهما كان حجم العميل اللى معايا أو نوع الشغل بتاعه .. .. ** و مهما كانت المشكلة أو نوعها .. بتكون الأولوية هى ال (توااااصل) … يعنى ماسقعوش .. ماحسسهوش إنه بيتكلم مع خدمة عملاء كوكب تانى مثلاً .. و إنه عشان يوصل لبنى آدم يكلمه دايركت محتاج يهاتى سنين و أيام . .. ** و بيكون الفولو أب ( المتابعة ) أهم من إيميلات التسليم نفسها .. يعنى كل يوم كده نصبح عليهم بإيميل ( مساء الجمال يا هندسة .. حبيت أبلغك بس بإننا وصلنا لواحد و إتنين و تلاتة من إمبارح .. و شكراً ) .. طبعاً مش باللغة دى :) . .. ** و بحس بعبد الغفور البرعى فنفسى أوى لما ألاقيهم بيشكروا فشغلى (أو شغلنا) .. و يتكوا أوى على حتة المتابعة و الهندلة و الإعتناء بيهم دى .. (و أحياناً بيشتكوا إن الباقيين مش كده ) .. ساعتها باحس إنى عايز أغنى لكل واحد بيشتغل فريلانس فأى حاجة و بيشتكى إن مافيش عملاء كتير معاه .. و أقوله .. (الإهتمام مابينطلبش) . .. 2- حالياً فنص الكتاب الجميل the virgin way ل Richard Branson .. الراجل كان بيقول نفس الكلام اللى فوق ده .. بس بأسلوبه البرنس .. و بكل أمانه لازم أعمل بوستين تلاتة عن الكتاب ده لوحده أساساً . … 3- و الفرق الضخم هنا بين Vodafone Egypt و قد إيه كان بيطلع عينى مع خدمة العملاء بتوعهم .. بس يروح جاى واحد أو واحدة منهم فى الفرع مثلاً و يبهرنى بزوقه و حرفيته فى التعامل .. فأهدى تانى و أقرر ماغيرش شغلى لخط من خطوطى التانية . .. 4- و بين الإحترافية و (عايز أقول الأستذة ) فخدمة عملاء PayPal و CIB Egypt .. و إحساسى بالإنتعاش بعد التعامل معاهم (جميعاً هنا بكل صراحة ) … بشكل يخلينى أعملهم recommend و referral لأى حد … حقاً .. شكراً . .. 5- أنا معروف عنى إنى مهمل بشدة فعلاقاتى الشخصية .. و إنى أجدع حد ينسى يرد على رسايل أو مكالمات .. و مش معنى إنى 100% العكس مع الشغل إنى كده بتاع مصلحتى و كده وبس .. لكن المورد الأساسى و الأهم و الوحيد دايماً زى ما بأكد هو الوقت .. الشغل فيه بيبقى معروف حسابات الوقت و تمنه و قيمته .. فبيبقى أسهل ألف مرة تحديد أولوياته و جدولته .. .. والله أعلم .