- صديقي اللي مابيعرفش يذاكر كورسات أونلاين لوحده في البيت و بيحتاج يروح سنتر يدفع فيه فلوس "كتير" عشان يلاقي إنستراكتور يقول له نفس الكلام اللى موجود عالنت .. و يلاقي "أصدقاء" يشجعوه عشان يذاكر ..
صديقي اللي مابيعرفش يذاكر كورسات أونلاين لوحده في البيت و بيحتاج يروح سنتر يدفع فيه فلوس “كتير” عشان يلاقي إنستراكتور يقول له نفس الكلام اللى موجود عالنت .. و يلاقي “أصدقاء” يشجعوه عشان يذاكر ..
صديقي اللى بيكسل يروح أى (إيفنت/ مؤتمر / حفلة / فيلم سينيما … ) لوحده و دائماً ما يطلب أحد أصدقاءه يروح معاه عشان مايكسلش ..
صديقي اللي منتظر إني أبدأ معاه دايت .. عشان يتشجع .. لأنه مكسل يبدأ دايت لوحده ..
صديقي اللى بيدور علي ناس يشاركوه قراءة كتاب معين .. لأنه مش لاقي دافع يخليه يبدأ يقرا الكتاب لوحده ..
…
صديقي الباحث عن التغيير من الخارج .. و المتوقع إنه لما حيحصل تغيير من الخارج حيؤدي لتغيير ما بداخله ..
صديقي المتابع بشغف لأرقام نمو الهاشتاجات .. منتظر إنها ستؤدي لتغيير ما بخارج عقله .. فتجبره و تساعده علي تغيير ما بداخل عقله .
صديقي الغاضب و الساخط دائماً علي آلاف الأشياء التي لا يمكنه التحكم فيها .. و المتجاهل و المتكاسل دائماً عن آلاف الأشياء التي يمكنه التحكم فيها .
…
صديقي الباحث دائماً عن المعارك الغير ممكنة و منتظر حدوثها … و لكنه معظم الوقت هارب من معاركه الحالية .. المنتظره منه أخذ قرارات ..
…
صديقي العاشق لصوت الجماعة .. و دوشة الزحمة .. اللي بتغطي معظم الوقت علي صوت الحاجات اللى بيتكاسل عنها و بيتجاهلها ..
و الخائف و الكاره للصمت .. للهدوء .. اللي بيوضح و يبين جداً صوت تقصيره الشخصي ..
…
صديقي ..
رجاء .. رجاء مرة أخري .. رجاء ألف مرة ..
إفهم إني لا أقلل من أهمية الجهاد الأصغر ( كل المعارك و الثورات و الدوشة اللى بتحصل برة عقلك و نافوخك ) .
و لكني نفسي إنك تفهم إن الجهاد الأكبر ( كل ما هو بيحصل جوة عقلك و نافوخك ) أهم بكتييييير جداً … جداً ..
و إنك لو قدرت تسيطر و تثور علي نفسك .. علي كسلك .. علي جهلك .. علي عندك .. علي إنهزامك قدام كل ما هو سهل و متاح ..
حتقدر بالتدريج تكون إنسان مش محتاج هاشتاج عشان يحس إنه يقدر يغير من نفسه .. أو اللى حواليه …
و حتتحول بالتدريج من شخص مشاركته فأى هاشتاج = 1 ..
لشخص مشاركته لأى هاشتاج = آلاف …
و حتفهم إن في ناس كتير .. للأسف .. مشاركتهم لأى هاشتاج أحياناً بتكون بالسالب ..
…
و الله أعلم ..