مجرد رد فعل تأملى بعد القهوة

مجرد رد فعل تأملى بعد القهوة :

طريقة الحل الهندسية (أو العلمية هنا) فنسبة ضخمة من المشاكل بتعتمد إنك تستثنى كل المتغيرات الغير أساسية .. و تحتفظ بالأساسية فقط و تجرى التجربة . جزء كبير من إهتماماتى القصوى فآخر سنتين فمجال شغلى كانت بتتعلق بطرق تعلم الناس و سرعات إستيعابهم و قدرتهم على إكتساب معلومات و مهارات جديدة بأشكال مختلفة .. و الأهم .. رغبتهم فده . باحاول أتخيل الإنسان البدائى أساسيات حياته و نشاطاته اليومية كانت عاملة إزاى ؟! و هل كان الطبيعى و الأمثل بالنسباله إنه يكتفى بمعرفته لما يعرفه بشكل طبيعى .. و لا كان بيجبر نفسه على كسر حدود معرفته و خوض غمار مغامرات مع المجهول .. و بنسبة قد إيه بيعمل ده ؟ السعى اللا متناهى لجلب رفاهيات الحياة المتناهية بأشكالها المختلفة لداخل بيتك و على بعد بعض نقرات من صوابعك على كيبورد .. بيأثر إزاى على رغبة الإنسان فكسر جهله المتجدد و تجدد رغبته دى ؟ إزدياد الأسعار المفاجئ فآخر سنتين .. تغيير مفاهيم الإستقرار و الطبقة الوسطى .. تغيير أولويات الإنسان الأولى و العادية و بالتالى المسارات الإجبارية اللى كان الإنسان بيمشى فيها بشكل المجتمع بيحتمه عليه عشان يحقق أهداف ممنهجة فى تقاليد المجتمع زى الزواج و الإنجاب .. … فى حلقة فgreys anatomy كان التركيز فيها على قد إيه دكتور ميراندا بايلى رائعة .. لما جالهم حالة مراهق محبوس جوة كتلة من الأسمنت .. و فضلوا يتناقشوا فكيفية التعامل مع الحالة و أولويات التعامل .. هى فضلت تقول إنها بتدور على ال big picture و إن فى حاجة هى حاسة إنها المفروض تفكر فيها بس مش عارفة لسة هى إيه … لحد ما فجأة وصلت إنى أخطر شىء و الأهم أولوية حالياً هى دورة إخراج المية من جسمه . … همممممم