اللي بيتكلم في الفيديو ده صديق عمر .. و واحد

اللي بيتكلم في الفيديو ده صديق عمر .. و واحد من أقرب 7 أشخاص بالعدد فى الكون الفسيح ده إلي عقلي .. ( ال6 التانيين عارفين نفسهم كويس ) . اللي هو و إحنا بنتكلم .. بيبقي فاهم أنا باقول إيه من قبل ما أوصل ل50% من الجملة أساساً .. و بعدين يبدأ يرد هو .. و بالعكس .. و هكذا .. … اللي بيتكلم عنه بقي فى الفيديو من واقع فى التعليم المصري .. و ردود باقي الأصدقاء من الأطباء .. الأصدقاء اللى برضو أثق بشكل ضخم فكفاءة تفكيرهم و رجاحة عقلهم .. كل الكلام ده و الردود دي .. عايز أى حد بيبعتلي مشكلة أو سؤال ليه علاقة بالتعليم المصري .. يسمعها و يقراها كويس .. و بيأكدلي وجهة نظري إن نجاحك أو فشلك في التعليم المصري .. فهو غير مقياس إطلااااقاً لأى شىء فى الحياة .. و إن أبسط طريقة تقدر تتأكد بيها من ده .. هو نظرة بسيطة لكريمة الكريمة من أوائل دفعات ثانوي عام و كليات القمة علي مدار ال 20 سنة اللى فاتوا .. و نظرة أبسط للقائمين علي العملية التعليمية دي .. و هما فين فى الحياة .. و رؤيتهم الفذة اللولبية .. و إمتحاناتهم الجهنمية .. و إعتزازهم بنفسهم الللوزعي .. وصلهم لفين في مناصب العلم الكوني .. … من كام يوم قريت بوست لشخص بيقول ما مجمله إن ” إتفقنا أم أختلفنا مع جودة التعليم المصري .. فإن العملية التنافسية و روح اثبات الذات و المثابرة اللى بتخلقها فى الطالب .. بتخلي المتميزين من الطلبة أكثر نجاح ” . و ردي علي حاجة زي دي ممكن يكون رد قبيح .. و فى المعتاد مابحبش أقبح .. و لكن يا سيدي .. العملية التنافسية و روح إثبات الذات و المثابرة دي .. مصطلحات بناء جيش عايز معايير محددة جداً من الجندي ( السرعة و القوة و الطاعة و …) … مش مصطلحات إستفادة من إنسان .. عنده العديد من المعايير الغير معدودة .. و عملية تقيمية زي دي بتقتله مش بتعلمه أو تحسنه .