17 كتاب عشان تفهم
فوجهة نظري إن الجلسة اللي في الكونجرس حالياً دي مع ( أمازون , فيسبوك , جوجل , أبل ) .. تعتبر من أهم الحاجات اللي المفروض أى إنسان ليه علاقة بالإنترنت يدرسها .. مش مجرد يتفرج عليها .
17 كتاب عشان تفهم ..
فوجهة نظري إن الجلسة اللي في الكونجرس حالياً دي مع ( أمازون , فيسبوك , جوجل , أبل ) .. تعتبر من أهم الحاجات اللي المفروض أى إنسان ليه علاقة بالإنترنت يدرسها .. مش مجرد يتفرج عليها .
لو حاسس إنك محتاج تفهم أكتر عن العالم ده .. و تفهم أهمية اللي بيحصل .. الكتب التالية من أكتر الكتب اللي أرشحها لك : 1- the deep state , how an army of bureaucrats protected barack obama and is working to destroy the trump agenda … jason chaffetz حيساعدك تفهم عقلية المحافظين الأمريكيين .. و طريقة تفكيرهم و دوافعهم.
2- Chris Guillebeau - The $100 Startup حيساعدك تفهم البداية لفكرة البيزنس الهادف للربح بغرض الربح .
3- Clayton Christensen - The Innovator’s Dilemma حيساعدك تفهم صورة العالم اللي بتعيش فيه أى شركة بتتبني علي فكرة .. و تركز علي الحفاظ علي منحني الربح أكتر من تركيزها علي منحي الإبداع .
4- Corey Pein - Live Work Work Work Die A Journey into the Savage Heart of Silicon Valley من أهم الكتب عن عالم سيليكون فاللي .. و كواليسه .. و عقيدته .
5- Countdown to Zero Day حيفهمك شوية القوة العسكرية الحقيقية حالياً فإيد مين .. و يوريك قصة إزاي إيران تم التلاعب بمفاعلاتها النووية في عملية هجوم سايبري عبقرية .
6- Hooked How to Build Habit-Forming Products عوالم و كواليس الماركتنج اللي بتعتمدها كل الشركات اللي فوق دي .
7- Klaus Schwab The Fourth Industrial Revolution شرح أكتر عن عالمنا الحالي و تفاصيله .
8- Paul A. Offit, MD - Pandora’s Lab Seven Stories of Science Gone Wrong ده حياخدك فنظرة رائعة للماضي … و تشوف إزاي 7 من أعظم الإكتشافات التاريخية .. أدت ل7 من أفجع المصائب التاريخية . ده من أروع الكتب اللي بتعدل ال ( perspective = منظور ) العقلي ليك .
9- Pedro Domingos - The Master Algorithm ده حيرجعك تاني للعالم الحالي .. و تفهم لغته الحالية .. ( و مجال دراستي الأساسي و شغلي ) .. تصميم و تحليل الخوارزميات .
10- Platform Revolution بيزنس المنصات ( أوبر , كريم , إير بي أند بي , فيسبوك , …) و تفاصيلهم و ماضيهم ..
11- The Age of Addiction حيوريك حياتنا الحالية المسيطر عليها الإدمان .. .إدمان كل حاجة … و أهم الديلرز فيها هما الأربع شركات اللي فوق .
12- The Four : the hidden DNA of Amazon, Apple ,Facebook and Google … Scott Galloway. حرفياً ده حيشرح لك كل اللي إنت محتاجه عشان تفهم الجلسة دي و تفاصيلها أحسن من بعض رجال الكونجرس اللي قاعدين دول .
13- The Industries of the Future 14- The Longevity Economy حيظبطلك منظورك عشان تفهم شكل المستقبل ممكن يبقي عامل إزاي .
15- The Upstarts ده زي بتاع ( بلاتفورم ريفوليوشن ) .. حيظبط تفكيرك في الشركات دي بتطلع إزاي .. و بتعمل إيه .
16- Zero To One كتاب بيتر تييل … اللي فوجهة نظري كان لازم يبقي قاعد في الجلسة دي .. بس من مصلحته إنه مايكونش موجود أكيد .. بيتر تييل .. من أهم الممولين في سيليكون فالي … و يعتبر من قائدي الفكر و الآباء الروحيين هناك .
17 - Cryptonomicon : Neal Stephenson دي تعتبر الرواية اللي بيتم إعتبارها دراسة إجبارية أحياناً عشان تشتغل فأماكن معينة و وظائف معينة في سيليكون فالي .. و الكاتب نفسه ( نيل ستيفينسون ) .. ليه رواية تانية كمان إسمها ( seveneves ) قمة في الروعة . الرواية الأولانية دي .. بيتم إعتبارها إنها أحد أهم مصادر الوحي و الإلهام لمعظم صناع القرار في سيليكون فالي حالياً .. و علي رأسهم طبعاً ( بيتر تيل ) .
ملحوظة : ماينفعش تبقي مهتم تقرا الكتب دي .. و تسألني عن لينك ليهم 😆 لو إنت مهتم تقراهم … يبقي أكيد حيبقي عندك القدرة تتصرف .. و تسيرش .. و تشتري لو تقدر .. … الكتب دي عشان تقراهم أساساً .. ماينفعش .. ماينفعش .. إطلااااااقاً ماينفعش تستسهل .. و تدور علي حد غيرك يبذل مجهود عشان يجيبهم لك ..