أنا باكره الشخصية دي بقدر حبها للدهب

أنا باكره الشخصية دي بقدر حبها للدهب .. أنا باكره الشخصية دي بقدر حبها لإنها تطلع صح .. أنا باكره الشخصية دي بقدر صوتها العالي و زعيقها .. أنا باكره الشخصية دي بقدر براعتها المٌنقطعة النظير في قلب الترابيزة و ( خدوهم بالصوت قبل ما يغلبوكوا = Gaslighting ) . أنا باكره الشخصية دي بقدر براعتها في التلاعب بعواطف اللي حواليها تجاهها .. أنا باكره الشخصية دي بقدر بقدر سعيها في الخراب و المشاكل .. أنا باكره الشخصية دي بقدر عشقها للدخول في تفاصيل الناس و الحاجات اللي مالهاش فيها .. أنا باكره الشخصية دي بقدر قبح تكشيرتها الدائمة .. أنا باكره الشخصية دي بقدر إستحقاقيتها الباطلة لكل شيء .. أنا باكره الشخصية دي بقدر إستعدادها الدائم لتحليل الحرام و تحريم الحلال .. أنا باكره الشخصية دي بقدر تصعيبها لكل أمور الحياة علي كل اللي حواليها .. أنا باكره الشخصية دي بقدر رٌعبي من إني أكون شبهها .. أو حتي يكون فيا و لو جزء ضئيل من أمراضها .. أنا باكره الشخصية دي بقدر ما شٌفتها فكل اللي شبهها .. في اللي بيجادلوا بالباطل و يعاندوا و يخربوا كل شيء .. بدون ما يشوفوا نفسهم غلط و لو للحظة . … أنا باكره الشخصية دي .. و أتمني فعلاً إن الحلقات القادمة تشرح بشكل صحيح و منطقي .. إزاي إنسان بيتحول و يبقي شخصية كريهة بالمنظر ده .. … أنا باكره الشخصية دي .. و أتمني فعلاً إن الحلقات القادمة مايكونش فيها تبرير .. و صعبانيات و قصة مأساوية إزاي كان أبو داليا بيطفي سجاير في قفا الست دي مثلاً .. و ده سبب إنها طلعت بالشكل ده .. لأن .. لأن كل من هم حوالينا من نفس النوعية دي ( رجال و نساء و شيوخ و أطفال و حطابين في الغابات و حجارين في الجبال ) .. حيشوفوا التبرير ده .. و يقولوا بصوت عالي و تكشيرة و إستحقاقية : شٌفتوا ؟! .. شٌفتوا معاها حق إزاي ؟! .. هو اللي عمل فيها كده .. هو السبب .. هو اللي أخرج أسوأ ما فيها و رجع يقول هذا أنتي . … و الله أعلم