تقريباً فى إجماع إن لكل مناسبة فى فيلم أو مسلسل

تقريباً فى إجماع إن لكل مناسبة فى فيلم أو مسلسل معين لازم يتشاف .. و بترتبط ذاكرته بذكرى المناسبة نفسها .. فى الكريسماس فى : home alone فى العيد غالباً بتبقى مسرحيات مصرية قديمة . و هكذا .. لسبب ما .. تذكرت اليوم فيلم و مسلسل أنيمى .. و حلقة من مسلسل أجنبى .. … الفيلم : newton ( الصورة الأولى ) .. ماتنتظرش إنى أكتب هو بيتكلم عن إيه .. شوفه بنفسك . … الأنيمى : أرك أراباستا فى ( وان بيس ) .. الصورة التانية . ماتنتظرش إنى أكتب هو بيتكلم عن إيه برضو .. شوفه بنفسك . … الحلقة من المسلسل الأجنبى : الحلقة الرابعة من السيزون التالت من مسلسل shameless … مانصحكش تشوف المسلسل ولا الحلقة .. و لكن الحلقة دى بذاتها فعلاً .. صعب إنها تتنسى .. لأننا بنشوف أحداث مشابها ليها كل يوم . الحلقة دى شفتها من كذا سنة .. .. التلخيص سريعاً جداً .. الحلقة بتتكلم عن إن بطلة المسلسل الشابة الفقيرة جداً و محتاجة أى شغل .. راحت عشان تشتغل كاشير فسوبر ماركت .. فوجدت إن المدير بيساومها إنها عشان تشتغل .. لازم توافق إنه يستغلها جنسياً .. (fellatio ) بس .. مش حاجة تانية .. رفضت طبعاً و بشدة و بغضب .. و إكتشفت إنه بيمارس نفس القذارة مع كل الستات العاملين فى السوبر ماركت .. و بكل إيجابية .. جمعت كل الستات العاملين فى السوبر ماركت ده ( من جميع الأعمار ) .. و عملت إجتماع عندها فى الشقة و قالت لهم إحنا لو إتجمعنا مع بعض .. نقدر نسجنه و ناخد حقنا و حقكم . … الإجتماع كان فيه 15 ست على ما أتذكر ..

• واحدة منهم قالت : نسجنه ؟! .. حرام .. هو آه بيعمل معانا كده .. بس هو برضو فيه مزايا تانية .
• واحدة تانية قالت : أيون .. يعنى هو بيوافق إنى آخد أجازات أكتر من المفروض .
• واحدة تالتة قالت : زائد إنه نضيف و بيستحمى يومياً .. إتخيلى لو جه مكانه واحد تانى طلب مننا نفس الشىء بس مابيستحماش !! .
• واحدة رابعة “عجوزة شوية ” قالت بضحك : هو بكل صراحة أنا الموضوع ده مش مضايقنى أوى يعنى .
• واحدة خامسة قالت : كل مكان شغل فى الدنيا فيه مشاكل و لازم نستحملها عشان نعيش .. و المشاكل اللى نعرفها أحسن من اللى مانعرفهاش .
• واحدة سادسة قالت - موجهة الكلام لبطلة المسلسل - : إنتى أساساً عندك معاه مشاكل تانية من قبل كده .. و طبيعتك فكل حاجة خالف تعرف .
• واحدة سابعة قالت : أيوة أنا شاهدة إنك عملتى مشاكل قبل كده .. و من ساعة ما جيتى إنتى و هو بقى عصبى أكتر و بقى فى مشاكل أكتر فى المكان .
• واحدة تامنة قالت بغضب : إنتى لو عندك مشكلة مع الموضوع ده .. ماتشتغليش هنا و روحى شوفيلك شغل تانى ..
• واحدة تاسعة قالت : و أنصحك كمان ماتجيش تتسوقى فى المكان هناك .. إنتى بتاعت مشاكل . … … حاجات عجيبة يا جدع الواحد بيتذكرها فجأة !!