إنت شاذ و قبيح و أصلع .... لحسن حظك إحنا

إنت شاذ و قبيح و أصلع … لحسن حظك إحنا ممكن نغير الإتنين التانيين بس . ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, من الكتاب الرائع : Mad Genius, A Manifesto for Entrepreneurs ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, من أربع أيام خلصت الكتاب الرائع Mad Genius .. خد معايا أسبوع تقريباً ..
الكتاب مش للقراءة المتعمقة .. خصوصاً إن الكاتب فوجهة نظرى ” randy gage ” إستخدم الكتاب كمنصة فى أحيان كتير عشان يحارب معارك خاصة مش حتفيدنى كقارئ بأى شىء .. زى الفصل الكامل الطوييييل اللى بيحكى فيه عن تجربته مع البنوك و بيروقراطية البنوك . الكتاب بيتكلم عن عقلية عبقرى البيزنيس , و كيفية تكوينها و تدريبها . بيتكلم من وجهة نظر إنسان عادى جداً , مش موهوب أو مولود بموهبة متفجرة فحاجة زى الرياضة أو الفيزيا أو الموسيقى .. لا .. هو بيتكلم من وجهة نظر إنسان عادى ساعد نفسه إنه يبقى … عبقرى .. مجنون .

• الفصل الأول فكرته ذكية لكن إتكررت كتير .. و هى فكرة التمرد على كل الأنظمة البشرية اللى فجأة لقينا نفسنا بنتبعها بدون التفكير فأساسها ..و إزاى إن أول طريق للعبقرية هو إنك تشوف العالم على حقيقته .. مجموعة كبيرة من الخرفان بتتبع أنظمة إتولدوا عليه و مافكروش إطلاقاً هل الأنظمة دى فعالة و كفائتها عالية .. ولا إحنا بنتبعها فقط لإننا مفكرناش فغيرها . و بيدى على كده أمثلة ممتازة .. و بعدين بيدخل على ال:
• الفصل التانى : تاريخ المستقبل … بيبدأ يعملك عملية إعادة تأهيل كاملة لأفكارك .. عن طريق إنه يتصور معاك العديد من صور المستقبل و التطورات اللى حتحصل فكل مجاالات العلم و البيزنس و التكنولوجيا .. أنصحك فعلاً تقرا الفصل ده لو إنت مش متابع لأخبار التكنولوجيا و البيزنيس بشكل مستمر .. لأنه حيوفر عليك كتير .. بغض النظر إنه كان لسة مفكر إن : google glass حتبقى حاجة كبيرة .. ها ها ها ..
• الفصل التالت : بيبدأ فيه يقول كل اللى نفسه فيه عن عصر الإنترابرينور .. أو رائد الأعمال .. كلام كتييير جداً فيه منه مهم .. و منه متكرر .. لكن اللى فعلاً عجبنى جداً و خلانى إنفجرت فى الضحك أثناء ما كنت واقف فى الجيم فجأة .. هو فآخر الكتاب .. بعنوان : خليك جرىء . … بيتكلم فيه على أمثلة حملات دعاية و تسويق هو نفسه إشترك فيها .. 1- لما طلبوا منه إنه يعمل حملة دعاية و تسويق لشركة زرع شعر رجالى متخصصة للمثليين .. راح مأجر كذا إعلان فى الجرائد و كتب فيه بخط كبير : You are queer, bald and ugly .. fortunately we can fix the last two . و تحتها رقم التيليفون و الإيميل بتاع الشركة . و إزاى إن حملة زى دى حققت مكاسب ضخمة للشركة .. لأنها كانت : جريئة و ذكية جداً .

الفكرة الأفجر فوجهة نظرى : 2- لما طلبوا منه يعمل دعاية لإيفنت .. قال بما إن الكل بيعمل الدعاية بتاعته أونلاين .. لا .. أنا حابعت رسايل بالبريد العادى لكل اللى عايز أوصلهم .. و بعت بتاع 1000 رسالة دعوة مثلاً .. جاله منهم بتاع 250 واحد موافقين … راح جايب عناوين ال750 واحد اللى موافقوش … و راح باعتلهم جوابات .. كل جواب فيه نفس الدعوة هى هى .. بس قبل ما يحطها فى الجواب .. راح مكرمشها بإيده .. و فاردها تانى أى كلام .. و كاتب بقلم أحمر فلوماستر عليها من فوق .. ” من فضلك ماترمينيش تانى فى الزبالة ” .. جاله تأكيد 600 بنى آدم منهم . عبقرى .. مجنون .

3- لما حب برضو يعمل سيمينار و يعمل حملة دعاية ليه .. راح باعت جوابات عادية .. فكل جواب حط “حفاظة بامبرز للكبار ” .. و معاها ورقة كبيرة مكتوب عليها ” حتعملها على نفسك من الإثارة … خلى بالك ” .. باع الإيفنت بالكامل ..

… الكتاب فيه أمثلة أكتر بكتييير … و مفييييييد جداً لأى حد عايز يعرف أكتر عن عالم ال : عبقرى المجنون .. لو ليك مزاج تنزله .. تقدر تلاقى اللينك بتاعه هنا : و لو ليك مزاج تقرا كلام تانى .. برضو تعالى هنا :