Muhammad Adel , Mostafa Tarek
إزاي ؟
إزاي ؟ Muhammad Adel , Mostafa Tarek عملوا 3000 جنيه تقريباً في شهر أغسطس اللي فات ..
قبل عيد الأضحي اللي فات مباشرة بأيام بسيطة .. كتبت بوست أعلنت فيه إني حاعمل حاجة إسمها ( affiliate camp) .. لينك البوست ده فأول كومنت .. شوفه لو حابب تفهم بالتفصيل .. ببساطة ده كان عبارة عن إني قررت ضم عدد من الناس اللى حابين يجربوا شغل الأفيلييت و ماكنش عندهم خبرة كبيرة بالموضوع قبل كده .. و دخلتهم علي نظام شغل بسيط جداً و شرحت لهم نظام تطبيقه .. و تركت لهم كامل الحرية فكيفية الشغل و إذا كانوا يشتغلوا أساساً أو لا . … في شغل الأفيلييتس .. استلام الفلوس اللي إنت عملتها بيكون بعد مرور فترة معينة بتتراوح من شهر ل 45 يوم .. و كنت شرحت للكل إنهم مايدفعوش ولا مليم في الإعلانات أو الدعاية في الشغل ده .. و إن يكون إعتمادهم بالكامل علي الماركت بليس بتاع الفيسبوك . و إن بعد ما يستلموا أول فلوس .. يكون ليهم مطلق الحرية إنهم يحددوا كيفية تقسيم أرباحهم و تحديد الجزء اللى حيستثمروه في الشغل تاني . … بعد مرور الشهر الأولاني .. كلمت ال25 شخص اللى كانوا قرروا إنهم يشتغلوا و سلمتهم أدوات الشغل … منهم 7 أشخاص فقط هما اللى كملوا لحد الآخر و إشتغلوا بالفعل .. ال 7 أشخاص دول كل واحد منهم حقق ربح مقارب نسبياً للرقم اللي فعنوان البوست . … فطلبت من كل واحد منهم إنه يكتب تفصيلياً ال feedback بتاعه عن التجربة .. لعلها تكون مفيدة أو محفزة لحد ما زال بيسأل يشتغل إيه علي الإنترنت أو يبيع إزاي أو يعني إيه أفيلييت ؟ … إن شاء الله كل يوم إبتداء من النهاردة حنزل فيدباك واحد من ال 7 .. … ما يلي هو الفيدباك بتاع محمد تفصيلياً بدون حذف بالكامل :
السلام عليكم يابشمهندس #Feedback تعتبر ديه تجربت في عالم الافيليت بداية كدا اول مره عرفت فيها الباشمهندس كان ف شهر 4 تقريبًا عن طريق أستاذي أشرف عامر وبدأت اتابعه عادي زي أي شخص عجبتني جدا طريقة تفكيرة وطريقة تحليلة للأمور ف مره مره اصبح فعلا من الناس الي رأيها بقا مسموع وليه أثر كبيير فحياتي..❤ ومن ضمن الحجات الي بيتكلم عليها ديما هو موضوع الAffiliate سواء في الفديوهات العادية او في سلسلة الفري لانس… ف البداية لما سمعت عن الموضوع قلت اكييد كدبة زي اي حاجه ع النت ومفيش ربح الا بعد تعب كبيير ورأس مال ومستحييل يكون بالسهولة… وخصوصا كمان اني من الناس الي جربت موضوع الربح من ع النت من اول اختصار الروابط لغايت كل الي يجي ف بالك وكان بيفشل معايا…وفي شهر 8 لما اتكلم الباشمهندس عن الموضوع ده تاني اتحمست كالعاده بس المره قررت ابدا… بدأت ع طول من علي souq.com. دخلت عملت اكونت عادي علي بروجرام الaffiliate ومن ثم اخترت منتج كان (فلتر مياه) اختيار كان عشوائي جدا وبعد كده حطيتة ع الماركت بليس فيسبوك… مع كل مشاعر الامبالاه واني مصدق انه اكيد مش هيحصل حاجه دخلت نمت… سبحان الله صحيت لقيت اكتر من 22 واحد في inbox الي بيتواصل بيسأل والي بيستفسر والي داخل عايز يشتري علطول… ف ايه ده الموضوع طلع بجد ولا ايه!!!… طبعا مع كم الرسايل ديه انا فعلا مكنتش عارف اعمل ايه ارد علي ده ولا ده ومكنش عندي ولا اي خبره ف التعامل مع سوق.كوم في الشراء وهكذا فبدأت اجرب هنا وهنا لغايت ما فهمت الدنيا الي حد ما بتمشي ازاي ورديت ع اغلب الناس… مشكلة تانية قابلتني وهي ان كان في مشكلة اساسا في الsouq affiliate program فده خلاني احول ل jumia واخسر الي كام واحد الي كان عايز يشتري المنتج من سوق.كوم… نفس الموضوع الي عملته في سوق.كوم عملته ف جوميا سجلت وهكذا اخترت منتج من ع الموقع وحطيتهم ع الماركت بليس وفعلا الحمد لله قدرت اني اجيب ناس بردك… . وتواصلت مع الباشمهندس في الفتره ديه وقولتله اني عملت كذا كذا كذا وهو الحقيقة فعلا مقصرش خالص ونشر كلامي كمان ع صفحته… كان تشجيع كبيير ليا الصراحة اني اكمل وتشجيع لناس تانية كتيير انها تبدأ والحمد لله في خلال اسبوع قدرت اعمل حوالي من15 ل19 اوردر الصراحة كان رقم كويس جدا بالنسبالي وشجعني جامد اني اكمل… يعد كده الباشمهندس عمل الكامب Affiliate camb الي كانت ف العيد وانضميت ليها مع صديقي (مصطفي طارق) كتيم والحمدلله اشتغلت مع الباشمهندس شهرين 8 و9 وقدرت اعمل 50 اوردر بفضل الله يعتبر ماشتغلتش فيهم غير 15 يوم والحمد لله قدرت اوصل للرقم دا. الخلاصة:-
- انا مش سااحر خالص ولا اي حاجه الشغل سهل جدااا واي حد ممكن يبدا فيه… ولا عايز منك شهادة ولا لغة ولا اي حاجه.
- الرقم الي انا واصلة ده قليل جدا بسم الله ما شاء الله ناس تانية مع الباشمهندس عاملة تلات اضعاف الرقم وف مده اقلل.
- ضيف لكدا انت ولا شايل هم منتح عند ف البيت هيبوظ… ولا محتاج رأس مال عشان تبدأ ف المجال… كمان ولا عليك اي مسؤلية ماعدا الامانة ف كلامك انت فقط مجرد وسيط بينك وبين الشركة. نصحيتي:- -عندك وقت وعايز تبدأ شغل… قطعا مفيش احسن من دية فرصة الصراحة ولازم تجرب.
قررت تبدأ خد بالك من الكام حاجة دية (مشاكل وصعوبات):-
- أكيد زي اي شغل في ضغط وفي مشاكل بتحصل… حصل معاي كام مره ان العميل يوصله المنتج بايظ او في مشكلة… طب هتتصرف ازاي… عادي جدا اغلب المتاجر سواء سوق او جوميا بتدي مده 15 يوم للارجاع فعادي جدا هتكلم الشركة وتديهم رقم الاوردر ويتم ارجاع المنتج من العميل.
- ضروري جدا تقرا سيسات اي متجر هتبدأ تتعامل معاه عشان تعرف سياسات الشحن والإرجاع وهكذا… من الغلطات الي كانت هتوفر عليا كتيير.
- اهم حاجة امانتك مع العميل بعض المنتجات هتلاقي العميل بيسألك علي بعض المواصفات ممكن انت متفهمش في المنتج ده وكمان المتجر مش كاتب التفاصيل… طب هتعمل ايه… من اكبر المشاكل الي كانت بتقابلني بس زي ما قلتلك خليك امين معاه هتاخر التواص معاه شوية وتتصل بالمتجر نفسه وتستفر منه المنتج… ده افضل من ما يوصل للعميل حاجه هو مش عايزها.
- مفتاح الشغل ده تلت حجات فرأيي معاملتك مع العميل، ثقته فيك و تظبييط وقتك للشغل.
ف النهاية مجال affiliate مجال كبيير جدا وديه بس مجرد جزء صغير. وبشكر باشمهندس اسلام انه شجعنا وعرفنا علي حاجه زي كده وكانت تجربة جميلة جدا بالنسبالي… ❤
بارك الله يا محمد .. و شكراً لك إنت يا حاج :) .. أنا كمان إستفدت أكيد 😉
الجزء التالي ده من البوست حاثبته مع كل فيدباك حينزل إن شاء الله : … للناس اللي حتسألني عن تفاصيل .. أو عن إمتي حاعمل الكامب مرة تانية .. و كل ما شابه .. 1- إنت مش مضطر إطلاقاً تنتظرني عشان تبتدي شغل أفيلييت .. شبكات أفيلييت كتييير متاحة دلوقتي مجاناً و تقدرتدخل فيها بمجرد إنك تبحث لمدة 15 دقيقة بالكتير أونلاين . 2- أنا فعلاً بافكر في تكرار الكامب ده .. بس الإعلان عن ده حيكون غالباً فأول أسبوع فشهر نوفمبر . 3- مافيش معلومة علي الإطلاق أنا أعرفها عن العالم ده مش موجودة أونلاين .. و باللغتين .. عربي و إنجليزي … بدل ما تسألني .. الأفضل إنك تتعلم توصل للمعلومة بنفسك من المصدر اللى وصلتلها أنا منه .. و السبب فده هو إن تفاصيل العوالم دي متغيرة دايماً .. و لو ماتعلمتش إنك تقضي ساعتين من يومك علي الأقل بتبحث و تدرس لوحدك .. نسبة نجاحك حتقل جداً .