إطلااااااااااااااااااااقاً مش حقيقي 🤣 .. و رجاء خلي بالك

إطلااااااااااااااااااااقاً مش حقيقي 🤣 .. و رجاء خلي بالك .. و من أكبر الخوازيق اللي الإنسان بيلبسها في حياته .. إنه يفكر بالمنظر ده لفترة طويلة من الزمن .. … لأن : لا الحروب .. ولا النزاعات .. و لا التارجت .. ولا المرتب .. ولا الشقة .. ولا القرض و الأسعار بتاعت البصل و البانيه .. ولا أى حاجة من دول هما سبب المشاكل و المعاناة اللي ناس كتير فيها حالياً .. دول ( عَرَض المرض ) .. مش المرض نفسه .. يعني : مريض الإلتهاب الرئوي الحاد .. مش بنركب له كاتم صوت في بقه عشان لما يكح .. يكح بصوت واطي .. لا … لأن الكحة مش هي المرض .. الكحة هي العرض اللي بسببه … عرفنا إن في مرض .. و بالتالي نسعي نعالجه .. نفس الشيء .. الحروب و النزاعات و التارجت و سعر البصل و البانيه المرتفع بإستمرار .. دول هما عَرَض المرض اللي بيهتك في أبدان أمم كتير من فترة طويلة .. … و كتير من البشر دول .. لو راحوا عملوا نفس اللي الباشمهندس أبو دقن طويلة اللي في الصورة ده عمله .. حينقلوا معاهم مرضهم للجزيرة الجديدة .. و يعانوا نفس المعاناة .. بل أكتر كمان .. … … أما عن المرض نفسه إيه ؟! .. فالموضوع مش محتاج فلسفة كتير و تطويل زيادة عن اللزوم في البوست .. الكرة الأرضية كلها بأكملها .. لما كان عليها قابيل و هابيل ..
الكبر و الغيرة و العند و الغباء و الشرور النفسية إتحكمت في قابيل .. و قتل أخوه . .. المرض هو : فساد العقيدة .. .. العقيدة دي هي اللي بتعلمك إن مافيش حاجة إسمها ( وظيفة ) تتحكم فيك .. و إن ربنا خلقك حر .. و إن رزقك علي الله .. طالما فاهم معني السعي صح .. سعي دائم .. مستمر .. يعني تتعلم جديد طول الوقت .. تحاول من جديد طول الوقت .. ماتتكسفش تبتدي ألف مرة .. ماتشتريش منظر إجتماعي ماحدش أساساً شايفه .. ماتنافسش في سباق عبيط .. حتي الكسبان فيه خسران … أكيد اللي عمله حلو .. و جميل .. و أشجع عليه أى حد بيفكر يجرب .. .. بس هي دي الفكرة هنا .. يجرب .. مش قاعد بيفكر بس .. .. يعني : خد أكشن .. أى أكشن .. غير إنك تفضل تتمني من بعيد .. و تكره حياتك أكتر و أكتر .. و إنت اللي قاعد لأنك أولوياتك مش مترتبة صح … هو بكل تأكيد شاف معاناة ضخمة جداً في تجربة زي دي .. لازم تكون واعي بده .. متخيله .. و تفضل تتخيل فتفاصيله لحد ما تفهم حقيقته .. حقيقة الصحيان كل يوم من النوم عارف إن مستقبلك ربنا جعله بإيدك لوحدك .. يعني لازم تبني بنفسك .. تزرع لنفسك .. تأمن نفسك بنفسك .. .. لكن الفانتازيا نفسها بتاعت ( آآآآآآآآآخ يا جدع .. تلاقيه كان كل يوم عايش مع مراتاته التلاتة شهريار زمانه ) .. هي مجرد كده .. فانتازيا .. بس .

لينك البوست في أول كومنت .. و الموضوع مجرد مزحة أنا فاهم بكل تأكيد .. و لكن حتي أوهام و فانتازيا الناس بتشكل أحلامهم و مساعيهم . .. و الله أعلم .