( تمانيات )

( تمانيات ) . زي ما كنت شرحت في بوست من كام يوم .. ك محاولة مني إني أرد بشكل أكثر كفاءة علي الرسائل اللي بتحتوي علي أسئلة في مجالات ( قد أقدر أساعد في الإجابة عليها ) . في طريقة معينة كنت شفت بعض مدربين الفيديو جيمز بيستخدموها و عجبتني الصراحة 🤣 . الطريقة هي : ( دردشة جماعية و يتم تسجيلها فيديو و نشرها بحيث لو أى حد عنده نفس الأسئلة يقدر يستفيد من الإجابة مباشرة و مايضطرش ينتظرني في الرسائل 😅 ) . . الجووجل فورم اللي في التعليق الأول تقدر تملاها كالتالي :

• الإسم
• لينك بروفايل الفيسبوك
• شغلك أو دراستك ( أو الإتنين )
• الأسئلة أو النقاط اللي محتاج نتكلم فيها
• مواعيدك المُتاحة ( من الساعة 6 ل 8 مساءاً مثلاً )
• إسمك علي ( Discord ) . . آخر نقطة دي ( ديسكورد ) للي مايعرفهوش .. هو عبارة عن أبليكيشن زي واتساب أو زووم .. و لكنه أفضل بكتير في أدوات معينة زي مشاركة الشاشة أو عمل جروبات مثلاً . . ححاول قدر المُستطاع إن كل ( Session ) مايزيدش عدد الأفراد اللي فيه عن ( 7 ) .. و حاكون أنا ال ( 8 ) .. عشان يكون في فُرصة إن الكل يتكلم براحته بدون ضغط وقت شديد أو زحمة . . كل ( Session ) حتتعمل ( لايف ) .. يعني أى حد يقدر يسمع و يشوف الحوار بالكامل أثناء ال ( Session ) علي ( تويتش و تيكتوك ) أنا باطلع لايف يومياً تقريباً علي ( تويتش و تيكتوك ) في اللعب اللي بالعبها .. و حيتم تسجيل اللايف بالكامل و وضعه علي يوتيوب بعدها إن شاء الله . .. أثناء اللايف حابقي بتابع تعليقات الناس اللي حابة تعلق أو تشارك علي تويتش أو تيكتوك .. و لو في وقت أو إمكانية أثناء ال (Session ) حاجاوب علي التعليقات إن شاء الله . . لينك الجووجل فورم في أول تعليق .. لو في أسئلة في الكلام اللي فوق ده .. وضح ليا سؤالك في تعليق . حيتم تحديد ميعاد أول (Session ) بمجرد تجميع أول 7 أفراد و تحديد ميعاد يناسب الجميع إن شاء الله . . لو في حد تخلّف أو مادخلش في ميعاده .. حيتم إضافة التالي علي القائمة مكانه مباشرة إن شاء الله . و هكذا .