كلام سريع أوي عن : ( مليون جنيه في شهر

كلام سريع أوي عن : ( مليون جنيه في شهر ) . … الطريقة المعتادة للتفكير في موضوع ( مليون جنيه في شهر ) ده .. بتكون كالتالي . 1- وسع نطاق السوق اللي بتفكر فيه .. يعني ال ( مليون جنيه ) دول أكثر واقعية لما تفهمهم ك ( 20 ألف دولار ) . ليه ؟! . 2- لأن 20 ألف دولار .. يعني ألف مشتري دفع لك 20 دولار مقابل شيء ما . و في سوق ضخم واسع أكبر من مجرد نطاقك الجغرافي .. ده موجود و سهل و متكرر جداً .. و لكن : . 3- ال ( شيء ) اللي حيشتريه منك الناس .. هو إيه ؟! هل هو مهارة معينة ( خدمة بتقدمها مقابل ال 20 دولار ) .. أم منتج ؟! . 4- في الحالة دي بتبدأ تفكر في المهارات اللي تمتلكها و تقدر توظفها .. إما لبيعها بشكل مستقل ( علي هيئة خدمة ) .. أو لبناء منتج . . 5- المهارات أنواع ( و ده كان عنوان البوست الأساسي بالمناسبة 😅) : و عشان تفهم الأنواع دي بشكل سريع .. تقدر تتخيلها بالظبط زي البقالة ( الخضروات و الفاكهة و السناكس و المأكولات اللي عند البقال ) .

أ - مهارات تتطلب وقت و مجهود و إستعداد … زي : أكلة دسمة محبشة لها سر طبخة و قليلين اللي يعرفوا يظبطوها صح ( طاجن كوارع , وليمة ملوخية , … ) زي : أى شهادة أو ( Skill set ) بتحتاج تاخد وقت عشان تدرسها و تفهمها بدرجاتها .. ( هندسة متقدمة نوعاً ما , طب في تخصص صعب و شهادات كتير , شهاداة في مهارات بيزنس مُعتمدة من مكان غالي و مشهور , … ) .. . كل المكونات المنطقية للطبخة / المهارة دي .. حتلاقيها متاحة حواليك .. و لكن الوقت و المجهود و الإستعداد هما اللي صعب إنك دائماً تجهزهم بشكل واقعي في ( شهر واحد ) .. ..

ب - مهارات مش محتاجة أى وقت أو مجهود أو إستعداد عشان تمتلكها .. زي : السناكس و علب التونة و أكياس الشيبسي و علب المربي و الحلاوة و غيرهم .. اللي هي عبارة عن حاجات حتقضي الغرض بكل كفاءة .. و حتحسسك بالشبع .. و لها إحتياجها و مكانها بكل تأكيد .. و لكنها لا تُغني عن النوع الأول إطلاقاً .. .. المهارات دي زي : البيع اللي محتاج بس منك إنك تتواجد ( شُغل سريحة يعني 🤣 ) و ده إطلاقاً مش تقليل من النوع ده من البيع .. و لكن توضيح لنوع المجهود المبذول .. إنت مش بتبذل مجهود عقلي .. قد ما حتبذل مجهود جسدي عشان تتواجد في مكان زحمة .. و تزعق علي منتج .. و تنادي .. و تبيع . و ده موجود أونلاين علي هيئة ( صفحات و جروبات فيسبوك و سوشيال ميديا و إنستاجرام و تيليجرام .. و غيرهم ) .. و مُربح .. لكن مُتعب جداً .. ( سريحة ) .. … من أنواع المهارات دي برضو … العتالة ( الفواعلية ) .. و ده موجود أونلاين علي هيئة أى نشاط ( Microtask ) محتاج منك فقط هيئتك البشرية .. و عشان تشتغل النوع ده .. كل اللي محتاج تعمله إنك تنزل تقف مع ال( سريحة - الفواعلية ) في الأماكن اللي بيستنوا فيها كل يوم الصبح .. .. بتلاقيهم قاعدين جنب بعض علي رصيف معين في أماكن معينة .. و اللي عايز يميز نفسه فيهم .. بيكون ماسك فاس و كوريك مثلاً .. بحيث تفهم إنه جاهز بعدته .. .. عشان تشتغل نوعية الشغل ده أونلاين .. كل اللي محتاجه هو إنك تعرف أنهي رصيف الناس بتروح تقعد عليه .. و من أشهر الأرصفة دي كان ( Leapforce ) .. إسأل عليه و حتفهم .. و لكن .. بما إن الشغلانة فقط محتاجة ( جهد جسدي ) .. طبيعي إن أى نوع من أنواع ال ( automation - ميكنة ) يهدد وجودك فيها .. و ده اللي فعلاً تم الإعلان عنه من يومين .. إن نفس الشركة اللي قلت عليها ( leapforce ) قررت تعتمد بشكل ضخم علي ال ( AI) بدل فرق من المبرمجين اللي عندها ( مش فواعلية ) .. لا .. ( مبرمجين ) .. .. ببساطة .. الخطوة اللي حتيجي بعد ال ( مبرمجين = مهندسين و مقاولين يعني ) .. حيكون ال ( فواعلية = Microtaskers ) . … … نفس طريقة التفكير بتاعة ( محل البقالة ) .. تقدر تفهم بيها شكل أى عالم بيزنس مهما كان تعقيده .. .. و ليه بادعو لفهم المثال ده .. عشان ترجع و تفتكر إن الهدفف هو كان بناء ( منتج ) تقدر تبيعه ب 20 دولار ل ألف إنسان .. أو بيع ( خدمة ) تقدر تقدمها ل ( ألف ) إنسان خلال شهر واحد . … لما بافكر في السيناريوهات دي .. دايماً بافكر في ال ( Worst case scenario - أسوء السيناريوهات المُحتملة ) .. يعني .. مش باتخيل ( بوراك ) داخل محل بقالة ( Freshfoods ) في سان ستيفانو بيشتري مكونات لوجبة تكلفتها وحدها ممكن توصل مليون جنيه 🤣🤣 .. .. لا .. .. أنا دايماً باتخيل شاب في بدايات عشرينياته .. معاه يادوب 100 جنيه بالعافية .. مايعرفش يقلي بيضتين و آخره يسلقهم .. و واقف قدام محل بقالة أبو رحاب اللي بيبيع لبن فرط في أكياس 😅 .. ** دي كانت حياتي .. و حياة الأغلبية بالمناسبة .. أنا مش باتريق أو أسخر 🤣🤣 … الشاب ده .. منطقياً .. من الأدوات المُتاحة له و قدامه .. يعمل إيه ؟! … 1- هل ياخد كورس في كيفية طبخ طواجن الكوارع بشكل إحترافي خلال شهر ؟ 2- هل ياخد كورس في كيفية تسويق طواجن الكوارع بشكل إحترافي .. اللي هو أساساً مايعرفش غالباً طعمها إيه ؟! .. و بقالة أبو رحاب نفسه ماعندوش محتويات الطبخة دي ؟! 3- هل أدوات ال ( AI ) اللي إنتشرت خلال آخر سنتين .. تقدر تقدم له أى إمكانيات جديدة ؟! 4- مدي تأثير اللغة ( الإنجليزي ) اللي هو يمتلك فقط أساسيتها .. هل ما يمتلك منها كافي إنه يتعامل مع أدوات ال ( ai ) بالشكل الأمثل ؟! 5- هل الشاب ده أساساً عقلياً و نفسياً .. فاهم إزاي يحط علي نفسه ( إلتزام - discipline ) عشان يتعلم و يبني و يكبر ( scale ) أى حاجة يُقدم عليها ؟! . … … … عشان تعرف تجاوب علي الأسئلة دي .. لازم تفهم إن الشاب ده نوع من إتنين .. مافيش غيرهم .. . 1- إستثنائي في مجال معين .. و محظوظ إنه إتولد في زمان بيهتم بالمجال ده .. و قادر علي بناء شيء ما .. لوحده .. و دي حاجة الإنسان بيتولد بيها مش بيكتسبها .. . 2- طبيعي و غير إستثنائي في المجالات اللي الزمان ده مهتم بيها .. و في الحالة دي .. من المستحيل إنه يبني شيء ما ( زي مليون جنيه في شهر واحد ) لوحده .. و علي مدار التاريخ .. الطريقة الوحيدة إن ( غير الإستثنائيين ) يحققوا شيء ( إستثنائي ) .. كان عن طريق إنه مايكونوش .. لوحدهم . … يعني .. فواعلي واحد بدماغ مهندس يقدر يبني شيء رائع .. بس محدود .. .. ألف فواعلي مافيهمش مهندس واحد .. يقدروا يبنوا شيء عظيم ضخم .. بس لو إتفقوا .. … … بناءاً علي ما سبق .. إختار . … والله أعلم .