مطاردة طعم معين .. بيحرمني جداً من الإستمتاع بأصناف كتير
- المشروع الفلاني اللي كل حاجته جاهزة و مستنيك تاخد أكشن .. حتفضل مأجله قد إيه ؟ ... طب المشروع العلاني اللي برضو كل حاجته جاهزة .. و برضو مستنيك تاخد أكشن ... حتفضل مأجله قد إيه ؟ ..
مطاردة طعم معين .. بيحرمني جداً من الإستمتاع بأصناف كتير متاحة قدامي ..
..
أحياناً بافتكر لحن موسيقي أو أغنية .. و باكون ناسي إسمها أو إزاي أدور عليها … … و مطاردتي و بحثي عنها .. بيحرمني جداً إني أستمتع بموسيقات كتير و أغاني تانية متاحة قدامي ..
..
عندي زراير معينة فعقلي .. منين باحب أعكنن علي نفسي .. بكل بساطة باضغط علي واحد أو أكتر منهم … و أفضل أتخانق مع نفسي شوية بعدها ..
..
مثلاً :
المشروع الفلاني اللي كل حاجته جاهزة و مستنيك تاخد أكشن .. حتفضل مأجله قد إيه ؟ … طب المشروع العلاني اللي برضو كل حاجته جاهزة .. و برضو مستنيك تاخد أكشن … حتفضل مأجله قد إيه ؟ ..
طب باقي المشاريع اللي تحتهم ؟
…
الفيولين .. إنت لسة مستواك زبالة فيه .
…
و غيرهم ..
…
ماعتقدش إن أحد أهدافي فعلاً هو إني أخلص كل الزراير دي ..
..
يعني بجد لما بافكر في ( طيب .. ماذا بعد ؟! ) .
ماذا بعد ما أخلص كل المشاريع اللي حابب أعملها أو أشوفها معمولة ؟!
ماذا بعد ما ألعب ( Paganini Caprice no.24 ) بالمهارة اللي باحلم بيها ؟!
ماذا بعد ما تحقق كل احلامك ؟!
…
بكل بساطة .. أعتقد إني حادور علي أحلام غيرها .. و غيرها .. و غيرها ..
…
…
دي أحد عيوب إن البني آدم يكون عامل فولو لحاجات تخليه أول ما يصحي الصبح يشوف شرح لحل ال ( Poincaré Conjecture ) ..
و بعدين يقعد لمدة ساعة يراجع باقي ال ( Millennium Problems ) .
🤬🤬😡