إعلان عن هجرتي الإفتراضية البسيطة ( لمن يهمه الأمر )

إن شاء الله من غير شر .. البوست ده حيكون آخر بوست أنزله علي الفيسبوك ( ما لم يكون في سبب قهري يضطرني أنزل بوستات تانية هنا ) .

AR 4 د

إعلان عن هجرتي الإفتراضية البسيطة ( لمن يهمه الأمر ) . .. خلاصة البوست عشان ماتقراش كتير : إن شاء الله من غير شر .. البوست ده حيكون آخر بوست أنزله علي الفيسبوك ( ما لم يكون في سبب قهري يضطرني أنزل بوستات تانية هنا ) . و كل إنتاجي للمحتوي حيكون مٌركز علي :

1- أنا باكتب هنا علي الفيسبوك من 2011 بأشكال مختلفة مش بغرض أى إنتشار أو شهرة أو ربح مادي .. مجرد مشاركات بسيطة لأفكاري .. زادت بكثافة فبعض الأحيان .. و فأحيان أخري قعدت سنين بدون ما أنزل بوست واحد .

2- علي مدار فترة تواجدي علي الفيس هنا .. شاركت كتير جداً من أفكاري في مجالات مختلفة .. و لكنها كلها تقريباً بتشاور فنفس الإتجاه … اللي هو : عندك مشكلة ؟! .. حلو .. تعالي نشوف نحل إزاي . و المشكلة هنا كانت أحياناً بتبقي مشكلة تقنية .. او عقائدية .. أو وجودية .. او مادية .. أو عملية . و بالنسبة ليا .. طرق الحل كلها كانت بتعتمد بشكل أساسي علي المنطق ..

3- المنطق ساب الفيسبوك هنا من زمااااااااااااااااااااااان .. أو ده اللي أنا شايفه بوضوح من فترة .. و مافيش أوضح من الفترة الحالية عشان توضح ده .. علي مدار ال12 سنة اللي فاتوا بالأخص .. تدريجياً حصل مواقف جلل .. المفروض إن أى منها كان يغير من نهج و أفكار أى حد بيشوف أو بيفكر بنسبة 180 درجة . و لكن .. فقط الميمز و الكوميكس هي ما تبقي عند الأغلبية .. حتي الذكريات نفسها .. أصبحت ملونة بالميمز و الكوميكس .. و فقدت فاعليتها علي تغيير التصرفات و الأفكار .

4- آخر فترة بالخصوص .. الموضوع فاق تحملي .. و قادني للي باعمله حالياً .. أصل من الجنون إني أقعد أهري هنا .. و بعد ما أهري في بوست طوييييييل .. أحس إني عملت اللي عليا من ( بلاغ و تذكير ) .. في حين اللي بيشوف البوست بيكسل يقرا .. أو بيقرا و يكسل يفكر … أو بيقرا و يفكر .. و بعدين يخاف .. يخاف يغير حاجة جواه حتي .

5- رسائل الرحمن للعباد و العالمين في الدنيا لا منتهية .. و لا حصر لها .. و من رحمة الرحمن علي عباده .. قسوة رسائله لتذكيرنا و إيقاظنا .. خصوصاً لما بنكون غرقانين في الوهم . الناس حالياً الرسائل بتوصلهم يومياً .. حرفياً .. بكل عنف .. و لكنهم ما زالوا مصممين علي إنتظار الغوث من … غيرهم .. ما زالوا مش شايفين علاقة اللي بيحصل .. باللي حصل .. و اللي حصل من قبله ..

6- أنا ماعنديش طاقة فاضله أتقبل ميمز و كوميكس تفاهة زيادة .. و اللي بيثيره ده فيا من غضب .. و يخليني حاسس إني عايز أرد ببوست عميق طويل يشرح أفكاري .. فتكون نتيجته إن ماحدش يقرا .. ده حماقة .. أتوب عنها إن شاء الله من اليوم . … … غير متاح لناس كتيييييييييير الهجرة جسدياً زي زمان .. لأن العالم مختلف .. و لكن الهجرة الفكرية دلوقتي أسهل ما يكون .. هاجر .. في سبيل الله .. هاجر .. هاجر فكرياً لقوم جداد .. إسمع أفكار جديدة .. خاطب ناس جديدة .. فأماكن أخري .. ال24 ساعة بتوعك .. هما اللي ربنا رزقك بيهم .. و رزقك برسالة .. مش مستحيلة .. إطلااااااااقاً مش مستحيلة .. و لكن غير اللي بتخاطبه و تكلمه و تعمله .. و إن شاء الله ربنا يتقبل . … … … … سلام عليكم و رحمة الله