يا تري بين أحمد السقا و بين نتنياهو ... كام

يا تري بين أحمد السقا و بين نتنياهو … كام فرد ؟! … آخر فيديو عاملينه فيريتاسيوم ( Veritasium ) .. عبقري في أهميته .. بيتكلم عن ال ( six degrees of separation = درجات الإتصال الستة ) اللي بتربط بينك و بين أى إنسان تاني علي وجه الأرض . إتكلمت في بوستات كتير علي مدار السنين عن الموضوع ده .. و عن إزاي أنا نفسي إستخدمته فأكثر من تطبيق ( تقني و عملي ) في مجال شغلي علي مدار السنين . .. و سبب إني باحب أعيد التذكير بالموضوع ده كل مرة يظهر قٌدامي حاجة لها علاقة به هو : تذكير نفسي و غيري .. ب مدي أهمية أى حاجة بنعملها .. مهما كانت تبدو تافهة أو صغيرة بالنسبة لك .. و لكنها في الحقيقة ممكن تغير الكوكب بالكامل . … زي ما شرحت في آخر جزء في البودكاست اللي تم إذاعته من يومين .. الإنسان بيعيش بين دائرتين أساسيين .

• دائرة الوعي : و دي بتشمل كل ما بتشوفه و تعرفه في الحياة .
• دائرة التأثير : و دي بتشمل كل اللي إنت تقدر تأثّر عليه و تغيره بنفسك . … و إحساس العجز اللي بيتخلل للإنسان .. بييجي لما يحس إنه ( تافه , ضعيف , صغير , مالوش قيمة , كومبارس حتي في حياته هو شخصياً , … ) . لما يحس إن دائرة تأثيره صغيرة جداً جداً جداً .. مٌقارنة ب دائرة وعيه . إحساس العجز ده بيقتل الإنسان قبل ما يموت .. و يخليه عايش زيه زي أى حيوان تاني في الحياة .. مفعول به مش فاعل . … لكن الحقيقة هو إنك مش ضعيف أو تافه إطلاقاً .. بالعكس .. و لكنك فقط مش دايماً بتبقي فاهم مدي تأثيرك أو قوتك الحقيقية .. … في الفيديو الرائع اللي حاسيب اللينك بتاعه فأول تعليق .. بتشوف إزاي إنك في الحقيقة مش ضعيف أو مٌنعزل إطلاقاً .. و إن أى فعل إنت بتقوم بيه .. مهما كان .. فعلاً بيسبب تأثير و صدي فجميع أنحاء الكوكب . .. لكن .. لأن الإنسان محدود جداً في علمه و قدرته العقلية علي إنه يتتبع العمليات الحسابية المُعقدة اللي بتشرح حقيقة ده .. ف إنت مابتقدرش تشوف التأثير ده بنفسك طول الوقت .. .. يعني .. إنت عينيك و نظرك محدودين جداً .. و لو وقفت في وسط إستاد ملياان بالكامل مثلاً .. مهما فضلت تبص حواليك .. مش حتقدر تشوف غير جزء و عدد بسيط جداً جداً من الناس اللي موجودين حواليك في الإستاد . . ف بالتالي .. عقلك بيوحي لك بناءاً علي وجهة نظرك المحدودة جداً دي إنك ( insignificant = منعدم التأثير ) .. لكن .. لو طلعت ل فووووووق .. و شفت الصورة من فوق .. و شفت إزاي إن تصرّف بسيط جداً جداً .. حتي لو كان التصرف ده هو إنك تحرك وشك لل يمين أو اليسار مثلاً .. حتلاقي إن حركة وشك البسيطة دي .. بتؤدي ل تغير كااااااااامل في حركة وجوه الآلاف اللي موجودين حواليك في الإستاد . و لكن عقلك و وعيك غير قادرين إطلاقاً علي إدراك كم التأثير ده . … … لكن .. و إنت ( جوة الإستاد الزحمة أوي ده ) .. عقلك برضو بيتأثر باللي حواليك .. و أكبر طريقة إنت بتتأثّر بيهم .. هو إنك مش بتشوف نفسك ك فرد .. و لكن بتشوف نفسك ك جزء من مجموعة .. و بتبدأ تقيس كل تصرفاتك و أفكارك .. علي حجم تصرفات و أفكار المجموعة . .. ف مثلاً .. لو في المعتاد لو إنت لوحدك في مكان ما .. و شفت زبالة مرمية علي الأرض .. دافع إنك تشيل الزبالة دي و تنضف مكانها .. بيكون قوي جداً .. . لكن .. فوسط آلاف من البشر .. عقلك بشكل تلقائي بيبدأ يتسائل ( هي جات عليا ؟! ) .. و يلقي المسئولية علي أى حد تاني حواليه . . أو .. لو الآلاف حواليك فجأة صاحوا في غضب و إستنكار بسبب شيء ما .. أو ضحكوا علي شيء ما .. بشكل ضخم جداً بتلاقي نفسك بتشاركهم المشاعر دي .. … يعني .. فوسط آلاف من البشر .. إنت بتشوف إنك جزء ضئيل منهم بتتأثر بيهم .. و بتكون متيقن جوة نفسك إنك منعدم التأثير عليهم . . في حين إن الحقيقة مختلفة بالكامل .. إنت بتأثر عليهم .. بالظبط زي ما هما بيأثروا عليك .. … نفس الموضوع علي السوشيال ميديا بالمناسبة .. إنت مش بتشوف كام واحد شاف البوست اللي إنت بتكتبه أو تشيره .. و حتي لو شفت الإحصائيات و عرفت إنهم آلاف أو ملايين .. إنت مش بتشوف كل واحد منهم إتأثّر إزاي باللي إنت كتبته أو شيرته . . لكن .. إنت بتشوف كويس جداً إنت بتتأثّر إزاي بيهم .. … فاهم ده بيوصلك لإيه ؟! … إنك ما لم تكون فاهم الكلام اللي فوق ده .. أو مش فاهم و دارس عقيدة كويس .. فإنت طول الوقت عايش موهوم إنك : عاجز . … يعني إيه مش فاهم أو دارس عقيدة كويس ؟! .. هو الكلام ده موجود في العقيدة ؟! .. بالكامل .. كل الكلام اللي فوق اللي شارح تأثير الفرد علي المجتمع و أهميته .. موجود بالكامل .. و أكتر منه .. في كل جوانب العقيدة . و الدلائل الدينية علي الكلام ده .. كتييييييييييييييييييييييييييييييير جداً .. و متأكد إن كثيرون حيكتبوا الأمثلة دي في التعليقات . .. و إزاي إن تأثير فعل بسيط جداً منك .. زي إنك تنزل تصلي الفجر في جماعة النهاردة .. و تمشي بالليل في الشارع لوحدك .. ممكن فعلاً يغير شكل الكوكب بالكامل .. .. طب ليه ده مابيحصلش ؟! ليه بالرغم من إني .. و إنت .. و ملايين المسلمين في الكوكب مثلاً بنصلي الفجر و نشيل الزبالة من عالأرض و نتقي الله في اللي بنشيره و نكتبه . ليه الكوكب بالمنظر المؤلم ده ؟! … لأنك : 1- باصص علي جزء بسيط جداً .. محدود جداً .. مؤقت جداً .. من الزمان و المكان . 2- فاهم الدنيا ب علاقة سببية غير منطقية . … يعني إيه النقطتين دول ؟! . … خليني أبتدي بالنقطة رقم (2) الأول .. في القرآن الكريم .. في سورة الواقعة .. بداية من الآيات : 58 . . الأسئلة التالية : أفرأيتم ما تٌمنون … أأنتم تخلقونه أم نحن الخالقون ؟! أفرأيتم ما تحرثون .. أأنتم تزرعونه أم نحن الزارعون ؟! أفرأيتم االماء الذي تشربون .. أأنتم أنزلتموه من المٌزن أم نحن المنزلون ؟! أفرأيتم النار التي تورون .. أأنتم أنشأتم شجرتها أم نحن المنشئون ؟! . الأسئلة دي .. أحد الأمثلة الكثيييييييييييييييير جداً .. اللي بيٌذكرنا بها الله سبحانه .. إن ( النتيجة ) لأى شيء في الحياة .. مش في إيدينا .. .. و أحد أسباب التساؤلات اللي في الآيات إنها بالمنظر ده .. هو إن عقل الإنسان المحدود .. متي سٌئل عن نتيجة .. فكّر في سبب .. . ففي الآيات .. أتي الله هنا بالأسباب أولاً .. . يعني .. عقل الإنسان العالم علم دنيوي من 1400 سنة .. لو كنت سألته ( الأطفال بييجوا منين ؟! ) .. كان حيقول لك : من العملية الجنسية بين الرجل و المرأة .. و مني الرجل . . فبالتالي .. هنا القرآن سأله بشكل مباشر .. تمام .. مني الرجل نفسه بقي .. بييجي منين ؟! . .. ف لو جيت دلوقتي .. بعد 1400 سنة .. و قلت : بناءاً علي أبحاث ( واتسون و كريك ) .. و إزاي الحمض النووي بيتكون من ذرات كيميائية .. و بدأت ترد بالشكل ده .. . حتلاقي الأسئلة إذن : تمام .. . الذرات الكيميائية دي نفسها بقي .. و مكوناتها نفسها .. و الكون نفسه .. جه منين ؟! … في مقولة في العلوم و المنطق مشهورة جداً جداً ل واحد مشهور إسمه ( كارل ساجان ) .. قرأتها أول مرة سنة 2009 .. و غيرت كتييييييييييير جداً في تفكيري .. و هي : ( لو عايز تعمل كيكة تٌفاح من البداية خالص .. يبقي لازم في الأول تخترع الكون أساساً 🤣= “If you wish to make an apple pie from scratch you must first invent the universe” ) … ده كله معناه إيه ؟! .. معناه : إخلص النية .. و إعمل .. بس كده .. ماتفكرش في النتيجة .. ماتفكرش في التأثير .. لأنهم مش بتوعك .. .. الله أعلم .. عملك ده .. حتي و إن كان مجرد إنك فكرت .. حيؤدي ل تغيير عامل إزاي بعد كده .. … الله أعلم .

***** سبب إن الموضوع في عقلي مٌرتبط بال ( سقا ) .. قصة إنه في يوم شاف بوست بيشتم فيه .. راح دور علي اللي كتبه و خبط عليه في بيته 🤣