لأني عارف إن ناس كتير ممكن تكسل تشوف الفيديو اللي

لأني عارف إن ناس كتير ممكن تكسل تشوف الفيديو اللي مدته ( ساعة و 20 دقيقة ) في البوست اللي قبل ده مباشرة .. تلخيصه السريع أوي كالتالي : … الفيديو كان عبارة عن مكالمة بيني و بين أستاذ عنده 41 سنة .. عنده معلومات عن :

• بناء مواقع بإستخدام وورد بريس .. و جرب بالفعل 3 مرات و قبض مقابل ده .
• إنجليزي مستواه 8 من 10 تقريباً .
• معلومات مبدئية عن إستخدام إعلانات الفيسبوك في عمل الدعاية .
• هو خريج حقوق و بيشتغل ك ( HR ) . … سؤاله المبدئي كان :
• إزاي أتعلم برمجة عشان أشتغل بيها و أزود دخلي بالدولار من خلال الإنترنت . … خلاصة المكالمة كالتالي :
• إنت مش محتاج تتعلم برمجة عشان تحقق اللي إنت عايزه .
• الأولوية اللي محتاج تركز عليها هي فهم نوعية ال ( عُملاء ) اللي محتاج تستهدفهم .
• فهم طبقات العُملاء .. و إختلاف طريقة إستهداف كل منهم .
• تحديد ( Next Actions ) واضحة هي : = بناء بورتفوليو ( و يعني إيه أساساً بورتفوليو بالنسبة لنوع مهارته و نوع عملاءه المُستهدفين ) . = بناء هيئة و هوية عملية خاصة بيه ( يعني يتحول من كونه مجرد فريلانسر مابيتعاملش مع العملاء بشكل مباشر .. ل بائع قادر و فاهم يتعامل مع العملاء إزاي علي حسب إحتياجهم ) .. و بناء موقعه الشخصي و تجهيز خدماته عليه . = بداية تركيزه علي إستخدام ال ( Social media ) في إطارها الصحيح ك أداة تسويق مش ( رصيف فواعلية 😅 ) . … المكالمة دي زي ما وضحت في آخرها .. شيء حاحب إني أكرره ( كل ما توفر الوقت و الإمكانية بالنسبة ليا ) . . الكيفية بتكون عن طريق الإنضمام لسيرفر الديسكورد اللي الرابط بتاعه في التعليق الأول علي الفيديو . ( الموضوع مجاناً زي معظم الحاجات اللي باعملها بالمناسبة 😅 ) . . ** ليه موضوع سيرفر ديسكورد ( اللي كتير ممكن مايكونوش إستخدموه قبل كده ؟! ) . . لأن سيرفر ديسكورد بيدي القٌدرة لأى حد إنه ينضم للمكالمة فأى وقت ( حتي 120 شخص ) .. فبالتالي .. و عند إعادة التجربة دي إن شاء الله مع شخص جديد .. بفرض مثلاً وجود 10 أشخاص في السيرفر .. أى حد منهم ( أو أى حد حابب ) يقدر ينضم للمكالمة و الدردشة مباشرة .. و لكن ححاول أستأذن إن العدد مايكونش زيادة عن ( 8 ) أشخاص مشاركين بشكل مباشر في ال (دردشة ) الواحدة .. عشان يكون في فرصة للكلام بشكل وافي مع الجميع . . كل مرة حاعمل فيها الموضوع ده .. ال( دردشة ) بتكون لايف بشكل مباشر علي ( تويتش و تيكتوك ) .. و بعدين بتترفع علي اليوتيوب و الفيسبوك هنا إن شاء الله … ليه أساساً باعمل الموضوع ده كله ؟!! . . كنت شرحت ده في بوستات سابقة .. و الخلاصة هي ( محاولة زيادة الكفاءة في الإجابة ) . يعني .. أسئلة كتير جداً بتتكرر .. و حتي لو عندي القدرة علي المساعدة في الإجابة .. القدرة علي إعادة الإجابة مع كل شخص هي المشكلة .. فبالتالي .. دي محاولة إن كفاءة قدرتي في الإجابة تكون أعلي . .. و الله أعلم .